ଢେଙ୍କାନାଳ: କୋରୋନା ଲକଡାଉନ ସଟଡାଉନରେ ଜାରି ରହିଛି ଚୋରା ଚାଲାଣ । ଢେଙ୍କାନାଳ ଗଦିଁଆରେ ଚୋରା ଚାଲାଣ ଖବର ପାଇ ଚଢାଉ କରିଥିଲେ ତହସିଲଦାର ଓ ତାଙ୍କ କର୍ମଚାରୀ । ବେଆଇନ ବାଲି, ମାଙ୍କଡା ପଥର ବୋଝେଇ ଚୋରା ଚାଲାଣ କରାଯାଉଥିଲା । ଷଡଙ୍ଗୀ ଅଞ୍ଚଳରୁ ବେଆଇନ ବାଲି ଚାଲାଣ,ମାଙ୍କଡା ପଥର ବୋଝେଇ ହାଇଓ୍ବା ଓ ମିନି ଟ୍ରକ ଜବତ ହୋଇଛି ।
ସେହିପରି ପିଙ୍ଗୁଆ ଅଞ୍ଚଳରୁ ମାଙ୍କଡା ପଥର ଚାଲାଣ ବେଳେ ଗୋଟିଏ ଟ୍ରକ ଜବତ ହୋଇଛି। ଖବର ପାଇ ଗଦିଁଆ ତହସିଲଦାର ତାଙ୍କ କର୍ମଚାରୀଙ୍କ ସହ ଏହି ଚଢାଉ କରିଥିଲେ। ଜବତ ହୋଇଥିବା ଉଭୟ ଟ୍ରକ ମାଲିକଙ୍କ ଠାରୁ ୧ଲକ୍ଷ୫୧ ହଜାର ୫୮୦ ଟଙ୍କା ଜୋରିମାନା ଆଦାୟ ହୋଇଥିବା ଜଣାପଡିଛି।
ଢେଙ୍କାନାଳରୁ ଉର୍ମିଳା ପାତ୍ରଙ୍କ ରିର୍ପୋଟ, ଇଟିଭି ଭାରତ
