ହାଇଦ୍ରାବାଦ: '12th ଫେଲ୍', ସେକ୍ଟର 36', 'ହସିନା ଦିଲ୍ରୁବା', 'ଦ ସାବରମତୀ ରିପୋର୍ଟ' ଭଳି ଅନେକ ସୁପରହିଟ୍ ଚଳଚ୍ଚିତ୍ର ଦେଇଥିବା ଅଭିନେତା ବିକ୍ରାନ୍ତ ମାସି ହଠାତ୍ ତାଙ୍କ ଅଭିନୟ କ୍ୟାରିୟରକୁ ଅଲବିଦା କହିଛନ୍ତି । ସୋମବାର ସକାଳେ ଅଭିନେତା ତାଙ୍କ ପ୍ରଶଂସକଙ୍କୁ ଆଶ୍ଚର୍ଯ୍ୟ କରି ଘୋଷଣା କରିଛନ୍ତି ଯେ ସେ 2025 ପରେ ବଲିଉଡରୁ ଦୂରେଇ ରହିବାକୁ ନିଷ୍ପତ୍ତି ନେଇଛନ୍ତି। ଏହି ଖବର ଶୁଣି ଫ୍ୟାନ୍ସ ଆଶ୍ଚର୍ଯ୍ୟ ହୋଇଛନ୍ତି ।
ଅଭିନୟରୁ ବିକ୍ରାନ୍ତ ମାସିଙ୍କ ଅବସର
ସୋମବାର ସକାଳେ ବିକାନ୍ତ ମାସି ଇନଷ୍ଟାଗ୍ରାମରେ ପୋଷ୍ଟ ସେୟାର କରି ତାଙ୍କ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଛନ୍ତି । ସେ 2025 ପରେ ଅଭିନୟ କ୍ୟାରିଅର ସମାପ୍ତ କରିବାକୁ ନିଷ୍ପତ୍ତି ନେଇଛନ୍ତି । ସେୟାର ହୋଇଥିବା ପୋଷ୍ଟରେ ଅଭିନେତା ଲେଖିଛନ୍ତି, ''ଗତ କିଛି ବର୍ଷ ଏବଂ ସମୟ ଆଶ୍ଚର୍ଯ୍ୟଜନକ ଥିଲା । ବର୍ତ୍ତମାନ ପର୍ଯ୍ୟନ୍ତ ଆପଣଙ୍କର ସମର୍ଥନ ପାଇଁ ମୁଁ ସମସ୍ତଙ୍କୁ ଧନ୍ୟବାଦ ଦେଉଛି । କିନ୍ତୁ ଯେତେବେଳେ ମୁଁ ଆଗକୁ ବଢୁଛି, ମୁଁ ଅନୁଭବ କରାଉଛି ଯେ ଏବେ ସମୟ ଆସିଯାଇଛି ଯେ ନିଜକୁ ପୁଣି ସମ୍ଭାଳିବି ଏବେଂ ଘରକୁ ଫେରିଯିବି । ଜଣେ ସ୍ୱାମୀ, ପିତା ଏବଂ ପୁଅ ଭାବରେ ନିଜ ପରିବାର ସମ୍ଭାଳିବି । ଜଣେ ଅଭିନେତା ଭାବେ ଆମେ 2025 ବର୍ଷରେ ଶେଷ ଥର ପାଇଁ ଭେଟିବା । ମୋର ଶେଷ 2 ଟି ଚଳଚ୍ଚିତ୍ର ବାକି ଅଛି । ସମସ୍ତଙ୍କୁ ଧନ୍ୟବାଦ, ମୁଁ ତୁମ ପାଇଁ ସର୍ବଦା ଋଣୀ ରହିବି ।''
ଫ୍ୟାନ୍ସଙ୍କ ପ୍ରତିକ୍ରିୟା
ବିକାନ୍ତ ମାସିଙ୍କ ଏହି ଘୋଷଣା ଫ୍ୟାନ୍ସ ସମେତ ସେଲିବ୍ରିଟି ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ବଲିଉଡ ଅଭିନେତ୍ରୀ ଇଶା ଗୁପ୍ତା ବିକ୍ରାନ୍ତଙ୍କ ଏହି ପୋଷ୍ଟ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି । ସେ ଲାଲ ହାର୍ଟ ଇମୋଜି ସହ 'ବିକ୍ରାନ୍ତ' ଲେଖିଛନ୍ତି । ସେହିପରି ଜଣେ ଫ୍ୟାନ୍ କାନ୍ଦୁଥିବା ଇମୋଜି ସହ ଲେଖିଛନ୍ତି, 'ତୁମେ ମୋର ପ୍ରିୟ ଅଭିନେତା । ତୁମେ ବହୁତ ଅଦ୍ଭୁତ । ଯେତେବେଳେ ତୁମେ ଅଭିନୟ କର, ତୁମର ଆଖି ଅତ୍ୟନ୍ତ ଭାବପ୍ରବଣ ଅଟେ.. ଆମେ ଶୀଘ୍ର ଫେରିବା ପାଇଁ ଅପେକ୍ଷା କରିବୁ । ସ୍ୱର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କୁ ମନେ ପକାଇ ଜଣେ ଫ୍ୟାନ ଲେଖିଛନ୍ତି, 'ହଠାତ୍? ସବୁକିଛି ଠିକ ଅଛି କି? ପ୍ରଶଂସକଙ୍କ ପାଇଁ ଏହା ଏକ ଆଶ୍ଚର୍ଯ୍ୟଜନକ ବିଷୟ । ଆମେ ତୁମର ଅଭିନୟ ଏବଂ ଚଳଚ୍ଚିତ୍ରକୁ ବହୁତ ପସନ୍ଦ କରୁ । ଆମେ ପୂର୍ବରୁ ଏକ ରତ୍ନ ଏବଂ SSR (ସୁଶାନ୍ତ ସିଂ ରାଜପୁତ) ପରି ଜଣେ ଦକ୍ଷ ଅଭିନେତା ହରାଇ ସାରିଛୁ । ଆମେ ତୁମକୁ ହରାଇବାକୁ ଚାହୁଁନାହୁଁ । ଚଳଚ୍ଚିତ୍ରରୁ ବିରତି ନିଅ କିନ୍ତୁ ବଲିଉଡ ତୁମ ପରି ଜଣେ ଦକ୍ଷ ଅଭିନେତା ଆବଶ୍ୟକ କରେ । ଶୀଘ୍ର ଫେରି ଆସ ଏବଂ ତୁମର ପରିବାର ଏବଂ ମାନସିକ ସ୍ୱାସ୍ଥ୍ୟର ଯତ୍ନ ନିଅ ।
ଏହା ମଧ୍ୟ ପଢନ୍ତୁ: 'ପର୍ସନାଲିଟି ଅଫ୍ ଦ ଇୟର' ଆୱାର୍ଡ ହାତେଇଲେ ବିକ୍ରାନ୍ତ ମାସି, ପିଲିପ ନୋଏସଙ୍କୁ 'ଲାଇଫଟାଇମ୍ ଆଚିଭମେଣ୍ଟ ଆୱାର୍ଡ'
ବିକ୍ରାନ୍ତଙ୍କ ଶେଷ ଦୁଇଟି ଚଳଚ୍ଚିତ୍ର
ଖବର ଅନୁଯାୟୀ, ବିକ୍ରାନ୍ତ ବର୍ତ୍ତମାନ ଦୁଇଟି ଚଳଚ୍ଚିତ୍ରରେ କାମ କରୁଛନ୍ତି - 'ୟାର ଜିଗ୍ରି' ଏବଂ 'ଆଙ୍କନ୍ କି ଗୁସ୍ତାଖିଆଁ'। ଏହି 2 ଫିଲ୍ମର ଅଫିସିଆଲ ଘୋଷଣା କରାଯାଇନାହିଁ । କିନ୍ତୁ ଅଭିନେତାଙ୍କ ପୋଷ୍ଟ ଅନୁଯାୟୀ ଏହା 2025ରେ ରିଲିଜ ହେବ ବୋଲି ଆଶା କରାଯାଉଛି ।
ଏହା ମଧ୍ୟ ପଢନ୍ତୁ: ଗଦରକୁ ଟକ୍କର ଦେଇ ଇତିହାସ ରଚିଲା '12th ଫେଲ'
ବିକାଶ ମାସିଙ୍କ କ୍ୟାରିଅର୍
ବିକ୍ରାନ୍ତ ଟେଲିଭିଜନରେ 'ଧୁମ ମଚାଓ ଧୁମ ସୋ' ସହିତ ଅଭିନୟ ଆରମ୍ଭ କରିଥିଲେ । ସେ 2009 ରେ 'ବାଲିକା ବଧୂ' ମାଧ୍ୟମରେ ସୁନାମ ଅର୍ଜନ କରିଥିଲେ । ଏହା ପରେ ସେ 2013 ରେ 'ଲୁଟେରା' ସହ ତାଙ୍କ ଚଳଚ୍ଚିତ୍ର କ୍ୟାରିଅର୍ ଆରମ୍ଭ କରିଥିଲେ । 2017 ରେ 'ଏ ଡେଥ୍ ଇନ ଦ ଗଞ୍ଜ'ରେ ବିକ୍ରାନ୍ତ ତାଙ୍କର ପ୍ରଥମ ମୁଖ୍ୟ ଭୂମିକାରେ ଅଭିନୟ କରିଥିଲେ, ଏହା ପୂର୍ବରୁ ସେ' ଗିନି ୱେଡ୍ସ ସନ୍ନି ',' ହସିନ୍ ଦିଲରୁବା',' ଲଭ୍ ହଷ୍ଟେଲ' ଏବଂ '12th ଫେଲ୍' ରେ ଦମଦାରକ ଅଭିନୟ କରି ଲୋକପ୍ରିୟତା ସହ ପ୍ରଶଂସା ସାଉଁଟିଛନ୍ତି । ନିକଟରେ ତାଙ୍କୁ ଫିଲ୍ମ 'ଦ ସାବରମତୀ ରିପୋର୍ଟ' ଫିଲ୍ମରେ ଦେଖିବାକୁ ମିଳିଛି । ଯାହା ଭଲ ପ୍ରଦର୍ଶନ କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
