ଢେଙ୍କାନାଳ: ଜିଲ୍ଲାରେ କୋରୋନା ସଂକ୍ରମଣ ଦ୍ରୁତ ଗତିରେ ବଢି ଚାଲିଛି । ଏହି ୧୩୨ ଆକ୍ରାନ୍ତଙ୍କ ମଧ୍ୟରୁ ଜଣେ ସଙ୍ଗରୋଧ କେନ୍ଦ୍ରରୁ, ୧୦୫ଜଣ ହୋମକ୍ବାରେଣ୍ଟାଇନରୁ, ୨୧ ଜଣ ସ୍ଥାନୀୟ ଆକ୍ରାନ୍ତ ଚିହ୍ନଟ ହୋଇଥିବାବେଳେ ଅନ୍ୟ ୫ ଜଣ କଟକ ଓ ଭୁବନେଶ୍ବର ହସପିଟାଲରୁ ଚିହ୍ନଟ ହୋଇଛନ୍ତି ।
ପଜିଟିଭଙ୍କ ମଧ୍ୟରୁ ଭୁବନ ଏନଏସିରୁ ୭ ଜଣ, ଭୁବନ ବ୍ଳକରୁ ଜଣେ, କଙ୍କଡାହାଡ ବ୍ଳକରୁ ୬ ଜଣ, ସଦର ବ୍ଳକରୁ ୨୯, ଗଦିଁଆରୁ ୩, ହିନ୍ଦୋଳ ବ୍ଳକରୁ ୨ ଜଣ ପଜିଟିଭ ଚିହ୍ନଟ ହୋଇଥିବା ସୂଚନା ମିଳିଛି । ସେହିପରି ଢେଙ୍କାନାଳ ମ୍ୟୁନିସପାଲଟିରୁ ସର୍ବାଧିକ ୫୧ଜଣ ପଜିଟିଭ ଚିହ୍ନଟ ହୋଇଛନ୍ତି । ସମସ୍ତ ଆକ୍ରାନ୍ତଙ୍କୁ ଢେଙ୍କାନାଳ କୋଭିଡ ହସ୍ପିଟାଲ, ଗୋବିନ୍ଦପୁର କୋଭିଡ କେୟାର ସେଣ୍ଟର ଏବଂ ହିନ୍ଦୋଳ କୋଭିଡ କେୟାର ସେଣ୍ଟରକୁ ଚିକିତ୍ସା ନିମନ୍ତେ ପଠାଯାଇଛି।
ସେମାନେ ରହୁଥିବା ସଙ୍ଗରୋଧ କେନ୍ଦ୍ର ଗୃହ ଓ ସଂଲଗ୍ନ ଅଞ୍ଚଳକୁ ବିଶୋଧନ କରାଯାଇଛି। ସେପଟେ ଚିକିତ୍ସା ପରେ ଜିଲ୍ଲାରେ ୬୬ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଜିଲ୍ଲାରେ ସମୁଦାୟ ୧୭୫୯ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେଥିରୁ ୧୨୦୧ ଜଣ ସୁସ୍ଥହୋଇ ଫେରିଥିବାବେଳେ ୫୫୬ ଜଣ ଆକ୍ରାନ୍ତ ଚିକତ୍ସିତ ହେଉଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
