ଦେବଗଡ଼: ବର୍ଦ୍ଧିତ ବିଦ୍ୟୁତ ଦର ପ୍ରତ୍ୟାହାର ଦାବି। ଏନେଇ ସୋମବାର ଦେବଗଡ଼ ଜିଲ୍ଲା ଯୁବ କଂଗ୍ରେସ ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି । ଦେବଗଡ଼ ଜିଲ୍ଲା ଯୁବ କଂଗ୍ରେସ ସଭାପତି ଅର୍ଜୁନ ରଣଜିତଙ୍କ ନେତୃତ୍ୱରେ ଏହି କାର୍ଯ୍ୟକ୍ରମରେ ପୂର୍ବତନ ଜିଲ୍ଲା ସଭାପତି ତଥା ପିସିସି ସେକ୍ରେଟାରୀ ସେମ ହେମ୍ବ୍ରମ ସାମିଲ ଥିଲେ।
ସେହିପରି ଏଆଇସିସି ମେମ୍ବର ମିନତୀ ନାଏକ , ପୂର୍ବତନ ନଗର ସଭାପତି ତଥା ପିସିସି ମେମ୍ବର ସୁବାସ ଚନ୍ଦ୍ର ଭୋଇ , ରଜତ କୁମାର ସାହୁ , ବାସନ୍ତୀ ସାହୁଙ୍କ ସମେତ ବହୁ ଯୁବକର୍ମୀ ଉପସ୍ଥିତ ଥିଲେ ।
ସାରା ରାଜ୍ୟ କୋରୋନା ମହାମାରୀ ଭଳି ବିପତ୍ତିର ସାମ୍ନା କରୁଛି। ଏଭଳି ଦୁର୍ଦ୍ଧିନରେ ବିଦ୍ୟୁତ ବିଲ ବୃଦ୍ଧିକରି ସରକାର ଉପଭୋକ୍ତାଙ୍କ ଉପରେ ଆର୍ଥିକ ବୋଝ ଲଦିଦେବା ଘଟଣାକୁ ଯୁବ କଂଗ୍ରେସ ପକ୍ଷରୁ ତୀବ୍ର ନିନ୍ଦା କରାଯାଇଛି ।
ଦେବଗଡ଼ରୁ ସରୋଜ ଶତପଥି, ଇଟିଭି ଭାରତ
