ଦେବଗଡ଼: ଧୁମଧାମରେ ଚାଲିଛି ଦେବଗଡ଼ ଜିଲ୍ଲାର ପ୍ରସିଦ୍ଧ ଗଣପର୍ବ ସାର୍ବଜନୀନ ଶ୍ରୀ ଗଣେଶ ମେଳା । ଉତ୍ସବ ମୁଖରିତ ହୋଇଉଠିଛି ଦେବଗଡ଼ ସହର । ସୁସଜ୍ଜିତ ତୋରଣ ଓ ସୁନ୍ଦର ଆଲୋକମାଳାରେ ଝଲସୁଛି ଦେବଗଡ଼ ସହର । ପ୍ରତିଦିନ ହଜାର ହଜାର ସଂଖ୍ୟାରେ ଦର୍ଶକ ଓ ଶ୍ରଦ୍ଧାଳୁ ଅଗ୍ରପୂଜ୍ୟ ଗଜାନନଙ୍କ ଦର୍ଶନ କରିବାସହ ମେଳାର ଭରପୁର ମଜା ଉଠାଉଛନ୍ତି ।
ଆଗାମୀ 9 ତାରିଖ ଦିନ ମହାସମାରୋହରେ ଭସାଣୀ ଉତ୍ସବ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି । ଏହି ପରିପ୍ରେକ୍ଷୀରେ ଦେବଗଡ଼ ସହର ଉତ୍ସବ ମୁଖରିତ ହୋଇଉଠିଛି । ସୁସଜ୍ଜିତ ତୋରଣ ଓ ସୁନ୍ଦର ଆଲୋକମାଳାରେ ଝଲସୁଛି ଦେବଗଡ଼ ସହର । ସହର କେନ୍ଦ୍ରସ୍ଥଳୀ ମାର୍କେଟ ଗୃହ ଠାରେ ନିର୍ମିତ ଏକ ସୁସଜ୍ଜିତ ମେଢ଼ରେ ପୂଜା ପାଉଛନ୍ତି ଅଗ୍ରପୂଜ୍ୟ ଗଜାନନ ।
ତାଙ୍କ ଚାରିପାଖରେ ଶୋଭା ପାଉଛନ୍ତି 40ରୁ ଅଧିକ ପାର୍ଶ୍ଵ ଦେବାଦେବୀ । ସହର ସାରା ଖୋଲିଛି ଶହଶହ ସଂଖ୍ୟାରେ ଦୋକାନ, ମୀନାବଜାର ଓ ଫୁଡ଼ ଷ୍ଟଲ । ମେଳା କମିଟି ପକ୍ଷରୁ ପ୍ରତି ସନ୍ଧ୍ୟାରେ ପରିବେଷିତ ହେଉଛି ବିଭିନ୍ନ ସାଂସ୍କୃତିକ ଓ ମନୋରଞ୍ଜନ କାର୍ଯ୍ୟକ୍ରମ । ଅଗ୍ରପୂଜ୍ୟ ଶ୍ରୀଗଣେଶଙ୍କୁ ଦର୍ଶନ କରିବା ଓ ମେଳାର ଭରପୁର ମଜା ଉଠାଇବା ପାଇଁ ପ୍ରତିଦିନ ହଜାର ହଜାର ସଂଖ୍ୟାରେ ଦର୍ଶକ ଓ ଶ୍ରଦ୍ଧାଳୁଙ୍କ ଅପୂର୍ବ ସମାଗମ ପରିଲକ୍ଷିତ ହେଉଛି ଏଠାରେ ।
ସର୍ବଧର୍ମ ସମନ୍ୱୟ ଓ ଭାଇଚାରାର ପ୍ରତୀକ ଭାବେ ଦେବଗଡ଼ ପ୍ରସିଦ୍ଧ ଗଣେଷ ମେଳା ଆଜକୁ ଦୀର୍ଘ ଦଶନ୍ଧି ହେଲା ଦର୍ଶକ ଓ ଶ୍ରଦ୍ଧାଳୁଙ୍କୁ ବେଶ ଆକର୍ଷିତ କରି ପାରିଛି । ଏହି ଅବସରରେ ଭକ୍ତଙ୍କୁ ପୂଜା ମଣ୍ଡପରେ ପ୍ରସାଦ ମିଳିଥିବା ବେଳେ ଦେବଗଡ଼ବାସୀଙ୍କ ମନୋରଞ୍ଜନ ପାଇଁ ବସିଥିଲା ମେଳା । ଏପରିକି କେଉଁଠି ମେଲୋଡି ତା କେଉଁଠି ଭଜନର ଆସର ଜମିଥିଲା । ୧୯୪୯ ମସିହାରୁ ଉକ୍ତ ବ୍ୟବସାୟୀ ଗୋଷ୍ଠୀ ମିଳିତ ଭାବରେ ଏହି ଗଣେଶ ପୂଜାକୁ ଏଠାରେ ଆରମ୍ଭ କରିଥିଲେ । ବିଘ୍ନ ବିନାଶକ ଗଜାନନଙ୍କ ଧରାବତରଣ ପରେ ଝଲସୁଛି ଦେବଗଡ଼ ସହର ।
ଇଟିଭି ଭାରତ, ଦେବଗଡ
