ଦେବଗଡ: ଜିଲ୍ଲା ପୋଲିସ ସ୍ପେଶାଲ ସ୍ବାର୍ଡକୁ ମିଳିଛି ଏକ ସଫଳତା । ହନୁମାନ ପଇସା କାରବାରରେ ସମ୍ପୃକ୍ତ ନେଇ ୨ ଅଭିଯୁକ୍ତଙ୍କୁ ଗ୍ରାହକ ବେଶରେ ଆସି କାବୁ କରିଛି ପୋଲିସ । ସେମାନଙ୍କ ନିକଟରୁ ଗୋଟିଏ ହନୁମାନ ପଇସା ଜବତ କରିଛି ।
ରିଆମାଳ ଥାନା ଅନ୍ତର୍ଗତ ସମ୍ବଲପୁର ଦେବଗଡ଼ ସୀମାନ୍ତ ଗାଁର କେତେକ ବ୍ୟକ୍ତି ଦେବଗଡ଼ ଜିଲ୍ଲା ରିଆମାଳ ଥାନା ଅଞ୍ଚଳର ହନୁମାନ ପଇସା ବିକ୍ରି ପାଇଁ ଉଦ୍ୟମ କରୁଥିବା ସମ୍ପର୍କରେ ସୂଚନା ପାଇଥିଲା । ପରେ ଏସଡିପିଓ ପ୍ରତ୍ୟୁଷ କୁମାର ମହାପାତ୍ରଙ୍କ ନେତୃତ୍ବରେ ଜିଲ୍ଲା ପୋଲିସର ଏକ ସ୍ପେଶାଲ ସ୍ବାର୍ଡ ଗ୍ରାହକ ବେଶରେ ସେହି ବେପାରୀଙ୍କ ସହ ଡିଲ ପାଇଁ ପହଞ୍ଚିଥିଲା ।
ସେଠାରେ ହନୁମାନ ପଇସା କିଣିବାକୁ ୧ କୋଟି ଟଙ୍କାରେ ଡିଲ କରିଥିବା ବେଳେ ହନୁମାନ ପଇସା ଧରି ସମ୍ବଲପୁର ଜିଲ୍ଲା ନାକଟିଦେଉଳ ଥାନା ଅନ୍ତର୍ଗତ ଗୌଡ଼ପଡା ଗାଁର ସରୋଜ ବାଦୀ ଓ ଟଙ୍କଧର ବାଦୀ ତାରଙ୍ଗ ଗ୍ରାମ ଛକ ନିକଟରେ ଜଗିଥିବା ବେଳେ ସ୍ପେଶାଲ ସ୍କ୍ବାର୍ଡ ସେମାନଙ୍କୁ କାବୁ କରିଥିଲା । ଉଭୟ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଏସପି ରାଜକିଶୋର ପାଇକରାୟ ସୂଚନା ଦେଇଛନ୍ତି ।
ଦେବଗଡ଼ରୁ ସରୋଜ ଶତପଥୀ, ଇଟିଭି ଭାରତ
