ଦେବଗଡ଼ : ଦେବଗଡ ଜିଲ୍ଲା ସଂସ୍କୃତି ପରିଷଦ ଆନୁକୁଲ୍ୟରେ ପ୍ରଧାନପାଟ ମୁକ୍ତାକାଶ ରଙ୍ଗମଞ୍ଚରେ ଉତ୍ସବ ପ୍ରଧାନପାଟ 2020 ଅନୁଷ୍ଠିତ ହେବ । ଏହି ଉତ୍ସବ ଆସନ୍ତା 10 ତାରିଖରୁ ଆରମ୍ଭ ହୋଇ 14ରେ ଉଦଯାପନୀ କରାଯିବ। ଚଳିତ ବର୍ଷ ଏହି ଉତ୍ସବରେ ରାଜ୍ୟ ବାହାରୁ 3ଟି ସାସ୍କୃତିକ ଦଳ ଯୋଗ ଦେଉଥିବା ବେଳେ ରାଜ୍ୟରୁ 20ଟି ଦଳ ଅଂଶ ଗ୍ରହଣ କରିବାର କାର୍ଯ୍ୟକ୍ରମ ରହିଛି ।
ସେହିପରି ଦେବଗଡରୁ 9ଟି ସାଂସ୍କୃତିକ ଦଳ ଯୋଗ ଦେବେ । ଚଳିତ ବର୍ଷ ପ୍ରଥମ କରି ଜିଲ୍ଲାର ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନେ ଏହି ମଞ୍ଚରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିବେ। ଏହା ସହ ଓରମାସ ପକ୍ଷରୁ ପଲ୍ଲିଶ୍ରୀ ମେଳା, ପୁସ୍ତକ ମେଳା ଓ କୃଷକ ମେଳା ଅନୁଷ୍ଠିତ ହେବାକୁ ଥିବା ବେଳେ ଉଦ୍ୟାନ ଓ କୃଷି ବିଭାଗ ପକ୍ଷରୁ ଫଳ ଓ ପୁଷ୍ପ ପ୍ରଦର୍ଶନୀ କରାଯିବ । ଏଥିସହ କବି ସମ୍ମିଳନୀ ମଧ୍ୟ ଆୟୋଜିତ ହେବ ।
ଏହି ଅବସରରେ ଜିଲ୍ଲା ସଂସ୍କୃତି ପରିଷଦ ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଜିଲ୍ଲା ସଂସ୍କୃତି ପରିଷଦ ଅଧ୍ୟକ୍ଷ ସୁଧାଂଶୁ ମୋହନ ସାମଲ ଏହି ସୂଚନା ଦେଇଛନ୍ତି ।
ଦେବଗଡ଼ରୁ ସରୋଜ ଶତପଥି ଇଟିଭି ଭାରତ
