ଦେବଗଡ଼: ଜିଲ୍ଲା କୁଣ୍ଢେଇଗୋଳା ଥାନା ଅନ୍ତର୍ଗତ କଣ୍ଟାବାହାଳ ଗାଁରେ ଶୁକ୍ରବାର ଅପରାହ୍ନରେ ବଜ୍ରାଘାତରେ ଜଣେ ଯୁବକ ମୃତ୍ୟୁବରଣ କରିଥିବା ଜଣାପଡିଛି । ମୃତକ ହେଲେ କଣ୍ଟାବାହାଳ ଗାଁର କୁହୁରୁ ବେହେରା(45 ) ।
ସୂଚନା ଅନୁଯାୟୀ, ଅପରାହ୍ନରେ ମୃତକ କୁହୁରୁ ବେହେରା ଗାଁର ଶ୍ରୀକର କିଷାନଙ୍କ ସହିତ ଗାଁ ନିକଟସ୍ଥ କୁକୁରଭୁକା ଜଙ୍ଗଲକୁ ଟୁଲ ଗୋଟାଇବାକୁ ଯାଇଥିଲେ । ସେହି ସମୟରେ ପ୍ରବଳ ବର୍ଷା ହେବା ସହିତ ବଜ୍ରାଘାତ ହୋଇଥିଲା । ବଜ୍ରାଘାତରେ କୁହୁରୁ ଗୁରୁତର ଆହତ ହୋଇଥିଲେ ।
ଘଟଣା ସମ୍ପର୍କରେ ପରିବାର ଲୋକେ ଖବର ପାଇ ଘଟଣା ସ୍ଥଳକୁ ଆସି ଦେଖିବା ବେଳକୁ ସେ ମୃତ୍ୟୁବରଣ କରିଥିଲେ । ପରିବାର ଲୋକଙ୍କ ପାଖରୁ ଏ ସମ୍ପର୍କରେ ଖବର ପାଇ କୁଣ୍ଢେଇଗୋଳା ପୋଲିସ ଘଟଣା ସ୍ଥଳକୁ ପହଞ୍ଚି ମୃତଦେହ ଉଦ୍ଧାର କରିବା ସହ ଘଟଣାର ଅଧିକ ଅନୁସନ୍ଧାନ ଜାରି ରଖିଛି ।
ଦେବଗଡ଼ରୁ ସରୋଜ ଶତପଥି, ଇଟିଭି ଭାରତ
