ଦେଓଗଡ: ଚଢାଉ ବେଳେ 29.5 କିଲୋ ଗଞ୍ଜେଇ ଜବତ ସହ ୫ ଜଣଙ୍କୁ ଗିରଫ କରିଛି କୁଣ୍ଢେଇଗୋଳା ପୋଲିସ । ବୁଧବାର ଦେବଗଡ଼ ଜିଲ୍ଲା କରଲଗା ଗାଁରେ ଚଢ଼ାଉ ବେଳେ 29.5 କିଲୋ ଗଞ୍ଜେଇ ଜବତ ସହ ୫ ଜଣଙ୍କୁ ଗିରଫ କରିଛି କୁଣ୍ଢେଇଗୋଳା ପୋଲିସ । ଗିରଫ ଅଭିଯୁକ୍ତ ମାନେ ହେଲେ କରଲଗା ଗାଁର ଅରୁଣ କୁମାର ସାହୁ, ରିନୁନ ବେହେରା, ଛେଣ୍ଡିପଡା ଖାଇରବେନି ଗାଁର ବିନୋଦ କୁମାର ସାହୁ , ଆଉଁଳି ଗାଁର ଟୁନା ପ୍ରଧାନ ଓ ନକଟିଦେଉଳ କୁଞ୍ଜାମରା ଗାଁର ପୁରୁଷୋତ୍ତମ ସାହୁ ।
ବୁଧବାର କରଲଗା ଗାଁରେ ଥିବା ଏକ ଚା ଦୋକାନରେ ପୋଲିସ ବିଭାଗର ଏକ ସ୍ବତନ୍ତ୍ର ଟିମ ଚଢ଼ାଉ କରିଥିଲା । ଚଢାଉ ବେଳେ ପୋଲିସ ପାଖାପାଖି ୨୯.୫ କିଲୋ ଗଞ୍ଜେଇ ଜବତ କରିବା ସହ ଏହି କାରବାରରେ ସମ୍ପୃକ୍ତ ଥିବା ୫ ଜଣ ଅଭିଯୁକ୍ତଙ୍କୁ ଗିରଫ କରିଛି । ଏତିସହ ଅଭିଯୁକ୍ତଙ୍କ ପାଖରୁ ୩ଟି ବାଇକ୍, ଗୋଟିଏ ବୋଲେରୋ ଓ ନଗଦ ୩୦ ହଜାର ଟଙ୍କା ଜବତ କରିଛି । ଏ ସମ୍ପର୍କରେ NDPS Act ଅନୁଯାୟୀ କୁଣ୍ଢେଇଗୋଳା ପୋଲିସ ଏକ ମାମଲା ରୁଜୁ କରି ଅଧିକ ତଦନ୍ତ ଚଳାଇଛି ।
ଦେବଗଡ଼ରୁ ସରୋଜ ଶତପଥୀ, ଇଟିଭି ଭାରତ
