କଟକ: କଟକ ସହରରେ ଥିବା ବିଭିନ୍ନ ସମସ୍ୟାକୁ ଦୃଷ୍ଟିରେ ରଖି କଟକ ଯୁବ କଂଗ୍ରେସର କର୍ମକର୍ତ୍ତାମାନେ ଆଜି ସିଏମସି କମିଶନରଙ୍କୁ ଭେଟିଛନ୍ତି । ବାରବାଟୀ-କଟକର ବିଧାୟକ ମହମ୍ମଦ ମୋକିମଙ୍କ ପରାମର୍ଶ କ୍ରମେ ସେମାନେ କମିଶନକୁ ଭେଟିଥିବା କଟକ ଯୁବ କଂଗ୍ରେସ ସାଧାରଣ ସମ୍ପାଦକ ବିକି ଚକ୍ରବର୍ତ୍ତୀ କହିଛନ୍ତି ।
କଟକ ସହର ଦୀର୍ଘବର୍ଷ ଧରି ଜଳବନ୍ଦୀ ସମସ୍ୟାର ସମ୍ମୁଖୀନ ହେଉଛି । ଏକାଧିକ ସ୍ଥାନରେ ଅସ୍ବାସ୍ଥ୍ୟକର ପରିବେଶ ରହିଥିବା ଦେଖିବାକୁ ମିଳୁଛି ହେଲେ ସିଏମସି ଏଯାବତ ଚୁପ ରହିଛି । ତେବେ ଏହି କ୍ରମରେ ଆଜି ବିଭିନ୍ନ ପ୍ରସଙ୍ଗକୁ ନେଇ ସିଏମସି କମିଶନର ଅନନ୍ୟା ଦାସଙ୍କ ଆଗରେ ଉପସ୍ଥାପିତ କରିଛନ୍ତି କଟକ ଯୁବ କଂଗ୍ରେସକର୍ମୀମାନେ । ବାରବାଟୀ କଟକର ବିଧାୟକ ଜଣେ ଇଂଜିନିୟର ହୋଇଥିବାବେଳେ ଜିଲ୍ଲାପାଳ ଜଣେ ଆଇଏଏସ ଓ ସିଏମ୍ସି କମିଶନର ବି ଜଣେ ଆଇଏଏସ ଏଭଳି ସଂଯୋଗରେ ପ୍ରଗତିମୂଳକ କାର୍ଯ୍ୟ ତ୍ବରାନ୍ବିତ ହୋଇପାରିବ ବୋଲି କଟକ ଯୁବ କଂଗ୍ରେସ ସମ୍ପାଦକ ତଥା ସୋସିଆଲ ମିଡିଆ ସେଲ ଅଧ୍ୟକ୍ଷ ପ୍ରକାଶ କରିଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
