କଟକ: ଆରମ୍ଭ ହେଇଗଲାଣି ପୂଜା । ଏବେ ନବରାତ୍ରି ଅବସରରେ କଟକର ବିଭିନ୍ନ ପୂଜା ମଣ୍ଡପରେ ବିଭିନ୍ନ ରୂପରେ ପୂଜା ପାଉଛନ୍ତି ମା' । ହେଲେ ଭକ୍ତଙ୍କ ସମାଗମ ନାହିଁ । କାହିଁକି ନା ଗତ ବର୍ଷ ପରି ଚଳିତ ବର୍ଷ ମଧ୍ୟ ପୂଜା ମଣ୍ଡପ ଗୁଡିକରେ ଲାଗିଛି କୋରୋନା କଟକଣା । କଟକଣା ଅନୁଯାୟୀ ମା'ଙ୍କ ୪ ଫୁଟର ମୂର୍ତ୍ତି ମଧ୍ୟ କରାଯାଇଛି ।
ତେବେ ଘରେ ରହି ଶ୍ରଦ୍ଧାଳୁ ମାନେ କିପରି ମାଙ୍କ ଦର୍ଶନ କରିବେ,ସେନେଇ ସହରର ବିଭିନ୍ନ ମଣ୍ଡପ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ବିଶେଷକରି ସୋସିଆଲ ମିଡ଼ିଆ ମାଧ୍ୟମରେ ମାଙ୍କ ଦର୍ଶନ ପାଇଁ ମଣ୍ଡପ ପକ୍ଷରୁ ବ୍ୟବସ୍ଥା କରାଯାଇଛି । ମା'ଙ୍କ ପୂଜା ସମୟରେ ୟୁଟ୍ୟୁବ ଓ ଫେସବୁକ ମଧ୍ୟରେ ମଣ୍ଡପ ପକ୍ଷରୁ ସିଧାପ୍ରାସରଣ କାର୍ଯ୍ୟକ୍ରମ କରାଯିବ। ଫଳରେ ମଣ୍ଡପ ନଯାଇ ସହଜରେ ମାଙ୍କୁ ଦର୍ଶନ କରିପାରିବେ ଶ୍ରଦ୍ଧାଳୁ ।
ସେହିପରି ଚଳିତବର୍ଷ ପୂଜା ବଜେଟ ବି କମାଇ ଦିଆଯାଇଛି । ପୂର୍ବରୁ ପୂଜା ମଣ୍ଡପ ପକ୍ଷରୁ ୩୦ ଲକ୍ଷରୁ ୪୦ ଲକ୍ଷ ଖର୍ଚ୍ଚ କରାଯାଉଥିବା ବେଳେ ,ଚଳିତବର୍ଷ ଏହି ବଜେଟ ୩ ଲକ୍ଷରେ ସୀମିତ ରଖାଯାଇଛି । କୋରୋନାର କୋପ କମିଲେ ଆସନ୍ତା ବର୍ଷ ଧୁମଧାମରେ ପୂଜା କରାଯିବ ବୋଲି ଶେଖବଜାର ପୂଜା କମିଟି ସାଧାରଣ ସମ୍ପାଦକ କହିଛନ୍ତି।
କଟକରୁ ନାରାୟଣ ସାହୁ, ଇଟିଭି ଭାରତ
