କଟକ: ସିଲଭରସିଟିରେ ବିଶ୍ଵବ୍ୟାଙ୍କ ଟିମ । ବାତ୍ୟା ଫନି ଯୋଗୁଁ ହୋଇଥିବା କ୍ଷୟକ୍ଷତି ନେଇ କରିଛନ୍ତି ଅନୁଧ୍ୟାନ । ଏଥିସହ କ୍ଷତିକ୍ଷତିର ଶୀଘ୍ର ପୁନଃରୁଦ୍ଧାର ପାଇଁ ଜିଲ୍ଲାପାଳଙ୍କ ସହ ଆଲୋଚନା କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ବାତ୍ୟା ଫନି ଯୋଗୁଁ ସହରରେ ବ୍ୟାପକ କ୍ଷୟକ୍ଷତି ହୋଇଥିବା କହିଛନ୍ତି ବିଶ୍ବ ବ୍ୟାଙ୍କର ପ୍ରତିନିଧି ଟିମ୍ । ତେବେ ସହରକୁ ପୂର୍ବ ଭଳି ଗଢି ତୋଳିବାକୁ କଣ ଆବଶ୍ୟକତା ରହିଛି, ତାହା ଅନୁଧ୍ୟାନ କରିଛି ଟିମ୍ । ଫନି ଯୋଗୁଁ ବିଶେଷକରି ତଳିଅଞ୍ଚଳରେ ବ୍ୟାପକ କ୍ଷତି ହୋଇଛି । ଵର୍ତ୍ତମାନ ଲୋକଙ୍କ ସ୍ଥିତି କିପରି ରହିଛି ଓ ସେମାନଙ୍କ ଆଵଶ୍ୟକତାକୁ ଶୀଘ୍ର ପୂରଣ କରାଯିବ ବୋଲି ସୂଚନା ଦେଇଛନ୍ତି ଟିମ ସଦସ୍ୟ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
