କଟକ: ଜିଲ୍ଲା ମହାନଗର ନିଗମ କାର୍ଯ୍ୟାଳୟକୁ ସୋମବାର ହଠାତ ଗସ୍ତ କରିଥିଲେ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା । ସି.ଏମ.ସିର ପୁରୁଣା କୋଠା ଓ ନୁତନ ବିଜୁଭବନର ପ୍ରତିଟି ବିଭାଗକୁ ଗସ୍ତ କରିଥିଲେ ମନ୍ତ୍ରୀ । ଏହାପରେ ସି.ଏମ.ସିର କମିଶନର ଓ ଅନ୍ୟାନ ଅଧିକାରୀଙ୍କ ସହିତ ଆଲୋଚନା କରିଥିଲେ । ତେବେ ସି.ଏମ.ସିକୁ ଆସୁଥିବା ସାଧାରଣ ଲୋକଙ୍କ ପାଇଁ ଆନୁସାଙ୍ଗିକ ବ୍ୟବସ୍ଥା ନଥିବାରୁ ମନ୍ତ୍ରୀ କ୍ଷୋଭ ପ୍ରକାଶ କରଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ସେହିପରି ଆଗକୁ ଦଶହରା ଆସୁଥିବାରୁ ସହରର ରାସ୍ତା ଘାଟ ଓ ଷ୍ଟ୍ରିଟ ଲାଇଟର ମରାମତି ବାବଦରେ ମଧ୍ୟ ସମୀକ୍ଷା କରିଥିଲେ । ଯାହା କିଛି ଅଳ୍ପେ ବହୁତେ କାମ ରହିଛି ସେ ସବୁକୁ ଦଶହରା ମଧ୍ୟରେ ଶେଷ କରିବା ପାଇଁ ଟାର୍ଗେଟ ଦେଇଛନ୍ତି ପ୍ରତାପ ଜେନା । ସି.ଏମ.ସିରେ ବ୍ୟବହୃତ ହେଉଥିବା ସମସ୍ତ ରେକର୍ଡ ପତ୍ର ଡିଜିଟାଲ କରିବା ପାଇଁ ମଧ୍ୟ ପରାମର୍ଶ ଦେଇଛନ୍ତି ପ୍ରତାପ ।
କଟକରୁ ନାରାୟଣ ସାହୁ, ଇଟିଭି ଭାରତ
