କଟକ: ଆଗାମୀ ପୌର ନିର୍ବାଚନରେ ବାଜି ମାରିବ କଂଗ୍ରେସ । ଆଜି ଏକ ଦଳର କର୍ମୀ ସମ୍ମିଳନୀରେ ଯୋଗଦେବା ଅବସରରେ କହିଛନ୍ତି କଟକ ବାରବାଟୀ ବିଧାୟକ ଇଂ ମହମ୍ମଦ ମୋକିମ ।
ଆସନ୍ତାବର୍ଷ ରାଜ୍ୟରେ ଅନୁଷ୍ଠିତ ହେବ ପଞ୍ଚାୟତ ଓ ପୌରନିର୍ବାଚନ । ଏବେଠୁ ଆରମ୍ଭ ଗଲାଣି ନିର୍ବାଚନ ପ୍ରସ୍ତୁତି । ଆଜି କଟକ ଯୋବ୍ରା ନିକଟରେ ହୋଇଥିବା କର୍ମୀ ସମ୍ମିଳନୀରେ କଟକ ବାରବାଟୀ ବିଧାୟକ ମହମ୍ମଦ ମୋକିମ କହିଛନ୍ତି ଯେ ଆସନ୍ତା ପୌର ନିର୍ବାଚନରେ ବାଜି ମାରିବ କଂଗ୍ରେସ, ଏଥିରେ ସନ୍ଦେହ ନାହିଁ। କାରଣ ପୂର୍ବରୁ ଉଭୟ ବିଜେଡି ଓ ବିଜେପିକୁ ଦେଖି ସାରିଛନ୍ତି କଟକ ସହରବାସୀ । ବର୍ତ୍ତମାନ କଂଗ୍ରେସର ପାଳି । କଟକରେ କଂଗ୍ରେସ ବିଧାୟକ ହେଲା ପରେ ଅନେକ ବିକାଶମୂଳକ କାମ ହୋଇଛି । ଆଗମ ମଧ୍ୟ ବିକାଶ କାର୍ଯ୍ୟ ଆଗେଇ ଚାଲିଛି ।
ତେବେ ପୌର ନିର୍ବାଚନରେ ହାଇକୋର୍ଟ ହସକ୍ଷେପ ପରେ ରାଜ୍ୟ ସରକାର ତତ୍ପର ହୋଇଛନ୍ତି । ପୂର୍ବରୁ ଭୟ ଯୋଗୁଁ ଏହି ନିର୍ବାଚନ ଘୁଞ୍ଚାଇ ଘୁଞ୍ଚାଇ ଆସୁଥିଲେ ରାଜ୍ୟ ସରକାର । କିନ୍ତୁ ସମୟ ସରିଛି କଂଗ୍ରେସ ଜିତିବ ଆଗାମୀ ପୌର ନିର୍ବାଚନ ଓ କଟକରେ ହେବ ସର୍ଵାଙ୍ଗୀନ ଉନ୍ନତି କରାଯିବ। ଆଗାମୀ ଦିନରେ ପୌର ନିର୍ବାଚନରେ ମେୟର କଂଗ୍ରେସର ହେବ ବୋଲି ଦୃଢୋକ୍ତି ପ୍ରକାଶ କରିଛନ୍ତି ମୋକିମ।
କଟକରୁ ପ୍ରଭୁକଲ୍ୟାଣ ପାଲ,ଇଟିଭି ଭାରତ
