ନିଆଳି : ରାଜ୍ୟର ବିଭିନ୍ନ ସ୍ଥାନରେ କୋରୋନାର ୪ର୍ଥ ପର୍ଯ୍ୟାୟ କାୟା ମେଲାଇ ସାରିଲେଣି । ଏଥିରୁ ବାଦ୍ ପଡ଼ିନାହିଁ ଶିକ୍ଷାନୁଷ୍ଠାନ । କଟକ ଜିଲ୍ଲା କଣ୍ଟାପଡ଼ା ବ୍ଲକ ଅଡଶପୁରସ୍ଥିତ ଉଦୟନାଥ ସ୍ଵୟଂଶାସିତ ମହାବିଦ୍ୟାଳୟରେ ୨୭ ଜଣ ଛାତ୍ରଛାତ୍ରୀ କୋରୋନା ପଜେଟିଭ ଚିହ୍ନଟ ହୋଇଛନ୍ତି । ଫଳରେ ମହାବିଦ୍ୟାଳୟ କର୍ତ୍ତୃପକ୍ଷ ହଷ୍ଟେଲ ଖାଲି କରିବାସହ ୨୭ ଜଣ କୋରୋନା ପଜେଟିଭ ମଧ୍ୟରୁ ୨୦ଜଣ ଛାତ୍ରଛାତ୍ରୀଙ୍କୁ ନିଜ ନିଜ ଘରକୁ ପଠାଇ ଦେଇଛନ୍ତି ।
ଅନ୍ୟ ସାତ ଜଣଙ୍କୁ ମହାବିଦ୍ୟାଳୟ ପରିସରରେ ଆଇସ୍ଯୁଲେସନରେ ରଖିଛନ୍ତି । କୋରୋନା ପଜେଟିଭ ଚିହ୍ନଟ ପରେ ମହାବିଦ୍ୟାଳୟର କର୍ତ୍ତୃପକ୍ଷ ସାତ ଦିନ ପାଇଁ ପାଠପଢ଼ା ବନ୍ଦ କରିଛନ୍ତି । ଯୁକ୍ତ ତିନି ଶେଷ ବର୍ଷ ପରୀକ୍ଷା ସର୍ତକତା ସହ ଚାଲିବ ବୋଲି ମହାବିଦ୍ୟାଳୟ କର୍ତ୍ତୃପକ୍ଷଙ୍କ ଠାରୁ ସୂଚନା ମିଳିଛି ।
ଇଟିଭି ଭାରତ, ନିଆଳି
