କଟକ: ଜିଲ୍ଲାରେ ଟ୍ରିପଲ ତଲାକ ଘଟଣାକୁ ନେଇ ଚର୍ଚ୍ଚା । ମହଙ୍ଗା ପଡିଲା ଫୋନ ଯୋଗେ ଟ୍ରିପଲ ତଲାକ ଦେବା । ଗତ ଶୁକ୍ରବାର ପୀର ବଜାର ଅଞ୍ଚଳର ଜଣେ ମହିଳା ଏନେଇ ମହିଳା ଥାନାରେ ଲିଖିତ ଏତଲା ଦେବାପରେ ପୋଲିସ ଘଟଣାର ତଦନ୍ତ କରୁଛି । ଏହାସହ ଅଭିଯୁକ୍ତ ସ୍ବାମୀଙ୍କୁ ଗିରଫ କରି କୋର୍ଟଚାଲାଣ କରିଛି ।
ମହଙ୍ଗା ପଡିଲା ଫୋନ ଯୋଗେ ଟ୍ରିପଲ ତଲାକ କହିବା
ସୂଚନା ଅନୁଯାୟୀ ୨୦୧୧ ରେ କୋରେଇ ଅଞ୍ଚଳର ମୁନି ସହିତ ପୀର ବଜାର ଅଞ୍ଚଳର ମାର୍କତଉଲ୍ଲାକର ପ୍ରେମ ବିବାହ ହୋଇଥିଲା । ତେବେ ୭ ମାସ ତଳେ ସେ ବେଙ୍ଗାଲୁରୁରେ ଅନ୍ୟ ଜଣେ ଝିଅକୁ ବିବାହ କରିଥିଲେ ଏବଂ ଫୋନରେ ମୁନିକୁ ତଲାକ ଦେଇଥିଲେ । ତେବେ ଗତ ଶୁକ୍ରବାର ମହିଳା ଜଣଙ୍କ ଏନେଇ ଏତଲା ଦେଇଥିଲେ ।
ଏହା ଆଇନ ଅନୁଯାୟୀ ଅପରାଧ ହୋଇଥିବାରୁ ପୋଲିସ ଅଭିଯୁକ୍ତ ସ୍ବାମୀକୁ ଗିରଫ କରିଥିବା କଟକ ଡିସିପି କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
