ନିଆଳି: ଭଙ୍ଗା ଚାଳ ଘରେ ବିତୁଛି ଜୀବନ । ଅଳ୍ପ ବର୍ଷା ହେଲେ ଘର ଭିତରେ ପାଣି ଗଳୁଛି । କାଦୁଅରେ ଭର୍ତ୍ତି ହୋଇଛି ପୂରା ଘର । କଟକ ଜଲ୍ଲାରପୁର ପଞ୍ଚାୟତ ଓ୍ବାଉପଲ୍ଲୀ ଗାଁରେ ଏଭଳି ଏକ ଦୃଶ୍ୟ ଦେଖିବାକୁ ମିଳିଛି । ଏଭଳି ଏକ ଭଙ୍ଗା ଦଦରା ଘରେ ରହୁଛନ୍ତି ସୁପା ସାହୁ(Supa Sahu of Cuttack Waupalli), ତାଙ୍କ ସ୍ବାମୀ ଓ ଦୁଇ ପୁଅ ।
ଲଗାଣ ବର୍ଷା ଯୋଗୁଁ ସାରା ରାଜ୍ୟରେ ସ୍ଥିତି ବେହାଲ ରହିଛି । ଏଭଳି ସ୍ଥିତିରେ ନାନା କଷ୍ଟ ଭୋଗୁଛନ୍ତି ସୁପା ସାହୁଙ୍କ ପରିବାର । ନାନା ସରକାରୀ ଯୋଜନା ଥିବା ସତ୍ତ୍ବେ ସୁପା ସାହୁଙ୍କୁ ଖଣ୍ଡେ ପକ୍କା ଘର ମିଳି ପାରୁନାହିଁ । ଏହାଛଡ଼ା ଅନ୍ୟାନ ଯୋଜନାରେ ମଧ୍ୟ ସୁପା ସାହୁ ସାମିଲ ହୋଇପାନଥିବା ଅଭିଯୋଗ ହୋଇଛି । ସେପଟେ ସହୟତା ନପାଇ ଓଳିଏ ଖାଇଲେ ଓଳିଏ ଓପାସରେ ରହୁଛନ୍ତି ।
ସୁପାସାହୁଙ୍କ ସ୍ବାମୀ ହରି ସାହୁ ଜଣେ ମାନସିକ ରୋଗୀ । ଅନେକ ଥର ବିଭିନ୍ନ ଯୋଜନାରେ ସାମିଲ ହେବା ନେଇ ଗୁହାରି କରିଥିଲେ ସୁଦ୍ଧା କେହି କର୍ଣ୍ଣପାତ କରୁନଥିବା ଅଭିଯୋଗ ହୋଇଛି । ଫନି ବାତ୍ୟା ପରେ ସୁପା ସାହୁଙ୍କ ଘର ଭାଙ୍ଗି ଯାଇଥିଲା । ହେଲେ ବର୍ତ୍ତମାନ ସୁଦ୍ଧା ତାଙ୍କୁ କୌଣସି ସହାୟତା ମିଳିପାରିନାହିଁ । ଯଥାଶୀଘ୍ର ତାଙ୍କୁ ସହାୟତା ଯୋଗାଇ ଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି । ସେପଟେ ପକ୍କା ଘର ପାଇଁ ବିଲ୍ କରାଇବାକୁ ପ୍ରଶାସନ ଅଧିକାରୀ ଶୁଣୁନଥିବା ଅଭିଯୋଗ ହୋଇଛି ।
