କଟକ: ନାରୀ ନିର୍ଯାତନା, ମଦ ବିକ୍ରି, ଅଶ୍ଲିଳତା ଓ ନଗ୍ନତାର ବ୍ୟାପକ ପ୍ରଚାର ପ୍ରସାର ବନ୍ଦ କରିବା ପାଇଁ ଦାବି କରିଛନ୍ତି ଏସୟୁସିଆଇ ମହିଳା ସଂଗଠନ । ଏନେଇ କଟକ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି ଶତାଧିକ ମହିଳା ।
ରାଜ୍ୟରେ ଦିନକୁ ଦିନ ପାଣିର ସମସ୍ୟା ବଢି ଚାଲିଛି କିନ୍ତୁ ରାଜ୍ୟ ସରକାର ଗୁରୁତ୍ବ ଦେଉନାହାଁନ୍ତି । ରାଜ୍ୟରେ ମଦର ବ୍ୟାପକ ପ୍ରଚାର ପ୍ରସାର ପାଇଁ ସରକାର ଲାଇସେନ୍ସ ପ୍ରଦାନ କରୁଛନ୍ତି । ଯାହା ଫଳରେ ମଦ୍ୟପଙ୍କ ସଂଖ୍ୟା ବୃଦ୍ଧି ପାଉଛି ବୋଲି ସଂଗଠନ ଅଭଯୋଗ କରିଛି ।
ଏହା ବ୍ୟତିତ ସାମାଜିକ ଗଣମାଧ୍ୟମରେ ଅଶ୍ଲୀଳତାକୁ ବନ୍ଦ କରିବାକୁ ମଧ୍ୟ ଦାବି କରିଛି ମହିଳା ସଂଗଠନ । ଇଣ୍ଟରନେଟରେ ବୃଦ୍ଧି ପାଉଥିବା ଅଶ୍ଲୀଳତା ଯୋଗୁଁ ରାଜ୍ୟରେ ନାରୀ ନିର୍ଯାତନା ବୃଦ୍ଧି ପାଉଛି ବୋଲି ଅଭିଯୋଗ ହୋଇଛି । ଅଶ୍ଲୀଳତା ଉପରେ ରୋକ ଲଗାଯାଉ ଓ ଏହା ଦ୍ବାରା ଛୋଟ ଛୋଟ ପିଲାମାନେ ପ୍ରଭାବିତ ହେଉଥିବା ମହିଳା ସଂଗଠନ ଅଭିଯୋଗ କରିଛି । ଏନେଇ କଟକ ଜିଲ୍ଲାପାଳଙ୍କ ମାଧ୍ୟମରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
