କଟକ: ଓଟିଇଟିର ପିଛା ଛାଡୁନି ବିବାଦ । ସନ୍ତୋଷଜନକ ରେଜେଲ୍ଟ ଆସିନଥିବାରୁ ଅସନ୍ତୋଷ ପ୍ରକାଶ କରିଛନ୍ତି ଓଟିଇଟି ପରୀକ୍ଷାର୍ଥୀ । ସୋମବାର ଏନେଇ ଅନେକ ପରୀକ୍ଷାର୍ଥୀ ବୋର୍ଡ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି । ଏଥିସହ ବୋର୍ଡ କର୍ତ୍ତୃପକ୍ଷଙ୍କୁ ଭେଟି ଏସମ୍ପର୍କରେ ଆଲୋଚନା କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଓଟିଇଟି ପ୍ରଶ୍ନପତ୍ରରେ ଅନେକ ତ୍ରୁଟି ଥିବାରୁ ପରୀକ୍ଷାର୍ଥୀଙ୍କୁ ଗ୍ରେସ ମାର୍କ ଦେବାକୁ ବୋର୍ଡ କର୍ତ୍ତୃପକ୍ଷ ପ୍ରତିଶ୍ରୁତି ଦେଇଥିଲେ । କିନ୍ତୁ ବିନା ସୂଚନାରେ ଗତ 21 ତାରିଖରେ ଓଟିଇଟି ପରୀକ୍ଷା ଫଳ ପ୍ରକାଶ ପାଇଥିଲା । ଏଥିରେ କେଉଁ ପରୀକ୍ଷାର୍ଥୀଙ୍କୁ କେତେ ଗ୍ରେସ ମାର୍କ ମିଳିଛି ତାହା ଜଣାପଡି ନଥିବାବେଳେ ଚଳିତବର୍ଷ କେତେ ପ୍ରତିଶତ ରେଜେଲ୍ଟ ହୋଇଛି ସେନେଇ ବୋର୍ଡ କର୍ତ୍ତୃପକ୍ଷ କୌଣସି ସୂଚନା ଦେଇନାହାନ୍ତି । ତେବେ ବାରମ୍ବାର ବୋର୍ଡର ଏଭଳି ତ୍ରୁଟି ଯୋଗୁଁ ଅନେକ ପରୀକ୍ଷାର୍ଥୀ ଅସୁବିଧାର ସମ୍ମୁଖୀନ ହେଉଥିବା କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
