କଟକ: ଏସିଆନ ତାଇକୋଣ୍ଡୋ ପ୍ରତିଯୋଗିତା ଓ ବିଶ୍ୱ ତାଇକୋଣ୍ଡୋ ପ୍ରତିଯୋଗିତାରେ ପ୍ରଥମକରି ଓଡିଶା ଟିମରୁ ଜାତୀୟ ଦଳରେ ସାମିଲ ହୋଇଥିବା ନିଳିମା କଟ୍ଟୀଙ୍କୁ ସମ୍ନାନିତ କରିଛନ୍ତି ରାଜ୍ୟ କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା ।
ତାଇକୋଣ୍ଡୋ ଖେଳାଳି ନିଳିମାଙ୍କୁ କ୍ରୀଡାମନ୍ତ୍ରୀଙ୍କ ଶୁଭେଚ୍ଛା
ଏସିଆନର ପଞ୍ଚମ ସ୍ଥାନ ଓ ବିଶ୍ୱ ପ୍ରତିଯୋଗୀରେ 12 ତମ ସ୍ଥାନ ଗ୍ରହଣ କରିବା ପରେ ରାଜ୍ୟ କ୍ରୀଡା ବିଭାଗ ଅପକ୍ଷରୁ ନିଳିମାଙ୍କୁ ସମ୍ନାନିତ କରାଯାଇଛି ।
ଏହାସହ ଇଣ୍ଡୋର ଷ୍ଟାଡିୟମରେ ଅଭ୍ୟାସ କରୁଥିବା ଅନେକ ଦକ୍ଷ ଖେଳାଳିଙ୍କୁ ବ୍ଲାକ ବେଲ୍ଟ ସାର୍ଟିଫିକେଟ ମଧ୍ୟ ପ୍ରଦାନ କରିଥିଲେ ମନ୍ତ୍ରୀ । ଏହାସହ କୋଚ ଅମରେନ୍ଦ୍ର ପୃଷ୍ଟିଙ୍କୁ ମଧ୍ୟ ଆଗକୁ ଆହୁରି ତାଇକୋଣ୍ଡୋ ଖେଳାଳି ସାମ୍ନାକୁ ଆଣିବାକୁ ପ୍ରଚେଷ୍ଟା ଜାରି ରଖିବାକୁ କହିଛନ୍ତି କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା ।
କଟକରୁ ପ୍ରଭୁ କଲ୍ୟାଣ ପାଲ୍, ଇଟିଭି ଭାରତ
