କଟକ: ବହୁ ଚର୍ଚ୍ଚିତ ଭିଏଲଡବ୍ଲୁ ବା ସ୍ମିତାରାଣୀ ହତ୍ୟା ମାମଲାରେ ମୁହଁ ଖୋଲିଛନ୍ତି ରାଜ୍ୟ ମହିଳା କମିଶନ ଅଧ୍ୟକ୍ଷା ମୀନତି ବେହେରା । ତାଙ୍କ କହିବା ମୁତାବକ ସ୍ମିତାରାଣୀ ହତ୍ୟାକାଣ୍ଡ ଏକ ସମ୍ବେଦନଶୀଳ ମାମଲା । ଏନେଇ ମହିଳା କମିଶନ ଦ୍ବାରା 2 ଥର ତଦନ୍ତ ଶେଷ କରାଯାଇଛି । ହେଲେ ଏ ଘଟଣାରେ ତଦନ୍ତ କ୍ରାଇମବ୍ରାଞ୍ଚ ହାତରେ ଦିଆଯାଉ ବୋଲି ଶୁକ୍ରବାର ଡିଜି ପୋଲିସଙ୍କୁ ଚିଠି ଲେଖି ଜଣାଇଛି ରାଜ୍ୟ ମହିଳା କମିଶନ ।
କମିଶନ ଅଧ୍ୟକ୍ଷାଙ୍କ କହିବା ଅନୁଯାୟୀ ଏପରି ସଙ୍ଗୀନ ଘଟଣାକୁ ରାଜନୀତିକରଣ ନକରାଯାଇ ଏହାର ନ୍ୟାୟିକ ଉପାୟରେ ନିରପେକ୍ଷ ତଦନ୍ତ ହେବା ଦରକାର । ତେଣୁ ଏଥିପାଇଁ କ୍ରାଇମ ବ୍ରାଞ୍ଚ ତଦନ୍ତ ହେବା ଦରକାର । ମୀନତିଙ୍କ କହିବା ଅନୁୟାୟୀ ସ୍ମିତାରାଣୀଙ୍କ ସ୍ବାମୀଙ୍କ ବୟାନ ମୁତାବକ ବିଭିନ୍ନ ଦିଗରୁ କମିଶନ ତଦନ୍ତ କରିଛି । ଯାହାର ରିପୋର୍ଟକୁ କ୍ରାଇମ ବ୍ରାଞ୍ଚକୁ ହସ୍ତାନ୍ତର କରିବା ସହ ତଦନ୍ତ ଦାୟିତ୍ବ ଦିଆଯାଇଛି ।
ପୋଲିସ ଓ କମିଶନର ତଦନ୍ତ ପରେ ମଧ୍ୟ ଘଟଣାଟି ସମ୍ବେଦନଶୀଳ ହେବା ସହ ଏହାର ତଦନ୍ତ କ୍ରାଇମ ବ୍ରାଞ୍ଚ ଦ୍ବାରା ହେବା ଦରକାର ବୋଲି କହିଛନ୍ତି ରାଜ୍ୟ ମହିଳା କମିଶନ ଅଧ୍ୟକ୍ଷା।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
