କଟକ: କଟକରେ ସେକ୍ସ ରାକେଟ ଠାବ । କଟକ ବାଦାମବାଡ଼ି ଥାନା ସୂର୍ଯ୍ୟ ବିହାର ଲେନରୁ ଏକ ବଡ଼ ଧରଣର ସେକ୍ସ ରାକେଟ ଠାବ କରିଛି କମିଶନରରେଟ ପୋଲିସ । ଆଜି ଅପରାହ୍ନରେ ପୋଲିସ ସ୍ପେସିଆଲ ସ୍କ୍ୱାଡ଼ ବିଶେଷ ସୂତ୍ରରୁ ଖବରପାଇ ସେଠାରେ ଚଢ଼ାଉ କରିଥିଲା । ଚଢ଼ାଉ ସମୟରେ ସେହି ଘରୁ 5 ଦେହଜୀବୀଙ୍କ ସହ 2 ଗ୍ରାହକଙ୍କୁ ଠାବ କରାଯାଇଛି । ଅଟକ ଥିବା 5 ଦେହଜୀବୀଙ୍କ ମଧ୍ୟରେ ଜଣେ ରାଣୀ ମହୁମାଛି ମଧ୍ୟ ରହିଛି ।
ତେବେ ସବୁଠାରୁ ବଡ଼ କଥା ହେଉଛି ୱେବ ଚ୍ୟାନେଲ ଅଫିସ ଭିତରେ ଚାଲିଥିଲା ଏହି ସେକ୍ସ ରାକେଟ । ଆଜିକୁ ଦୀର୍ଘ ଦିନ ହେବ ଏହି ସେକ୍ସ ରାକେଟ ଚାଲିଥିବା ନେଇ ସ୍ଥାନୀୟ ବାସିନ୍ଦାମାନେ ଅଭିଯୋଗ କରି ଆସୁଥିଲେ । ଯାହାକୁ ନେଇ ଏହି ଘଟଣା ଏବେ କଟକରେ ଚହଳ ପକାଇଛି । ଥାନାର ପାଖରେ ଏପରି କାର୍ଯ୍ୟକୁ ପୋଲିସ କିପରି ଜାଣି ପାରିଲା ନାହିଁ ତାହାକୁ ନେଇ ମଧ୍ୟ ଏକ ପ୍ରଶ୍ନ ଉପୁଜିଛି। ତେବେ ଏହି ଘଟଣା ରେ ଅଧିକ ତଦନ୍ତ ଜାରି ରଖିଛି ବାଦାମବାଡ଼ି ଥାନା ପୋଲିସ । ରାଣୀ ମହୁମାଛି କଟକ ନାଁ ବାହାର ର ତାହାର ଖୋଲତାଡ଼ ଜାରି ରଖିଛି ପୋଲିସ ।
ବିଶେଷକରି ସେ ୱେବ ଚ୍ୟାନେଲ ଅଫିସ କୁ ନେଇ ମଧ୍ୟ ପୋଲିସ ତାର ତଦନ୍ତ ଆରମ୍ଭ କରିଛି । ତେବେ ଦେହଜୀବୀ ମାନଙ୍କୁ ଉଦ୍ଧାର କରିବା ସମୟରେ ଅନେକ ଆପତ୍ତିଜନକ ସାମଗ୍ରୀ ଜବତ କରିଛି ପୋଲିସ । ତେବେ ଏହି ଘଟଣା ଏବେ ଚର୍ଚ୍ଚା ରକେନ୍ଦ୍ର ବିନ୍ଦୁ ପାଲଟିଛି। କେତେ ଦିନ ପୂର୍ବରୁ ଏହି ଅନୈତିକ କାର୍ଯ୍ୟ ସେ ୱେବ ଚ୍ୟାନେଲ ଅଫିସ ରେ ଚାଲିଥିଲା। ଆଉ ଏଥିରେ ୱେବ ଚ୍ୟାନେଲ ର ସମ୍ପୃକ୍ତି ରହିଛି ନାଁ ନାହିଁ ତାହା ତଦନ୍ତ ପରିସର ଭୁକ୍ତ ରହିଛି । 4 ଜଣ ଦେହ ବ୍ୟବସାୟୀ ଅଟକ ଥିଲା ବେଳେ ରାଣୀ ମହୁମାଛିକୁ ଗିରଫ ଦର୍ଶାଇଛି ପୋଲିସ । ଏହାସହ କିଛି ଗ୍ରାହକଙ୍କୁ ମଧ୍ୟ ଏବେ ପୋଲିସ ଅଟକ ରଖି ପଚାରାଉଚୁରା କରୁଛି । ଆଉ ଖୁବ ଶୀଘ୍ର ଏହି ଘଟଣା ର ସତ୍ୟାସତ୍ୟ ସାମ୍ନା କୁ ଆସିବ ବୋଲି କହିଛନ୍ତି ଡିସିପି ।
ଇଟିଭି ଭାରତ, କଟକ
