କଟକ: ଅଫେରା ରାଇଜରେ ଅରିନ୍ଦମ ଦାସ । ନିଜର ସାହାସୀ ଓ ନିର୍ଭିକ ସାମ୍ବାଦିକତା ପାଇଁ ଆଜି ତାଙ୍କୁ ଝୁରୁଛି ସାରା ଓଡ଼ିଶା। ଅକାଳ, ଅଦିନରେ ଆଖି ବୁଜିଛନ୍ତି ଓଡିଶା ଗଣମାଧ୍ୟମ ଜଗତର ଲୋକପ୍ରିୟ ନିର୍ଭୀକ ସାମ୍ବାଦିକ ଅରିନ୍ଦମ ଦାସ । ତାଙ୍କର ଅକାଳ ବିୟୋଗ ପରେ କଟକ ଜିଲ୍ଲାପାଳ ଓ ବରିଷ୍ଠ ସାମ୍ବାଦିକ ମନୋରଞ୍ଜନ ମିଶ୍ର ଦୁଃଖ ପ୍ରକାଶ କରିଛନ୍ତି ।
ବରିଷ୍ଠ ସାମ୍ବାଦିକ ମନୋରଞ୍ଜନ ମିଶ୍ର ଅରିନ୍ଦମଙ୍କ ଅକାଳ ମୃତ୍ୟୁକୁ ନେଇ ଗଭୀର ଦୁଃଖ ପ୍ରକାଶ କରିଛନ୍ତି । ଅରିନ୍ଦମ ନିଜ କର୍ମ ପ୍ରତି ସବୁବେଳେ କର୍ତ୍ତବ୍ୟନିଷ୍ଠ । ଗଣମାଧ୍ୟମରେ କାମ କରିବାବେଳେ ତାଙ୍କ ଭଳି ରିପୋର୍ଟଂ ବେଶ କମ ଲୋକ କରିପାରନ୍ତି । ସେ ବନ୍ୟା ବାତ୍ୟା ହେଉ କି ଫାଇଲିନ ହେଉ ବା ହୁଡହୁଡ । ବାତ୍ୟାର ଲ୍ୟାଣ୍ଡିଂ ସ୍ଥାନରୁ ଦର୍ଶକକୁ ଦିଅନ୍ତି ଟିକିନିଖି ଅପଟେଡ । ଯାହା ସାମ୍ବାଦିକତା ପ୍ରତି ଥିବା ତାଙ୍କ କର୍ତ୍ତବ୍ୟନିଷ୍ଠ ଏବଂ ଦାୟିତ୍ବବୋଧତା । ତାଙ୍କ ପାଖରେ କୌଣସି ସମୟ ନାହିଁ ସେ ଯେତେବେଳେ ମଧ୍ୟ ରିପୋର୍ଟିଂ କରୁଥିଲା । ସେ ଅପରାଧ ଓ ବନ୍ୟପ୍ରାଣୀ ସାମ୍ବାଦିକତା ପ୍ରତି ରୁଚି ରଖୁଥିଲେ। ସେ ଲୋକଙ୍କୁ ବେଶ ସହାୟତା ମଧ୍ୟ କରିଛନ୍ତି । ସେ ଦୁର୍ଘଟଣା ହେଉ ଅବା ଅନ୍ୟ କୌଣସି ଘଟଣା ସମୟରେ ଲୋକଙ୍କୁ ସହାୟତାର ହାତ ବଢାଇଥାନ୍ତି । ତାଙ୍କ ଭଲି ରିପୋର୍ଟରେ ଓଡିଶାରେ ବିରଳ । ଯାହା ସେ ସାମ୍ବାଦିକତା ପ୍ରତି ନିଜକୁ ତ୍ୟାଗ କରି ଯାଇଛନ୍ତି ତାହା ଆଜି ଆମପାଇଁ ଆଦର୍ଶ ବୋଲି କହିଛନ୍ତି ।
କଟକ ଜିଲ୍ଲାପାଳ ଭବାନୀଶଙ୍କର ଚୟନୀ କହିଛନ୍ତି ଯେ କଟକର ମୁଣ୍ଡଳୀ ବ୍ୟାରେଜରେ ହାତୀ ଫସିଥିବା ଘଟଣାରେ ଓଡ୍ରାଫରେ ବୋଟ ଭାସିଯାଇ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି । ଗଣମାଧ୍ୟମ ପ୍ରତିନିଧି ଅରିନ୍ଦମ ଦାସଙ୍କ ଅକାଳ ମୃତ୍ୟୁକୁ ନେଇ ଦୁଃଖ ପ୍ରକାଶ କରିଛନ୍ତି। ଏସସିବିରେ ମୃତ ଘୋଷଣା ହେଲା ପରେ ତାଙ୍କର ମୃତଦେହ ବ୍ୟବଚ୍ଛେଦ ପରେ ତାଙ୍କ ମରଶରୀରକୁ ଭୁବନେଶ୍ବର ଓ ପରେ ପରେ ବାସଭବନକୁ ନେବାର ଯୋଜନା ରହିଛି । ତେବେ ବର୍ତ୍ତମାନ ସୁଦ୍ଧା ଅନ୍ୟଜଣେ କ୍ୟାମେରାମ୍ୟାନ ଗୁରୁତର ଅବସ୍ଥାରେ ଆଇସିୟୁରେ ରହିଛନ୍ତି । ଣ୍ଡୁଳିରେ ଡ଼ଙ୍ଗା ବୁଡି ସମୁଦାୟ 5 ଜଣ ଏସସିବିରେ ଭର୍ତ୍ତି ହୋଇଥିଲେ। ସେଥି ମଧ୍ୟରୁ ଅରିନ୍ଦମ ଦାସଙ୍କ ଦେହାନ୍ତ ହୋଇଥିଲା ବେଳେ ଅନ୍ୟ 4 ଜଣଙ୍କୁ ଆଇସିୟୁରେ ଭର୍ତ୍ତି କରାଯାଇଛି। ତେବେ ଆଉ ଜଣେ ଓଡ୍ରାଫ ଟିମର ସଦସ୍ୟ ଏବେବି ନିଖୋଜ ରହିଥିବା ନେଇ ଜଣାପଡିଛି।
କଟକରୁ ପ୍ରଭୁକଲ୍ୟାଣ ପାଲ,ଇଟିଭି ଭାରତ
