କଟକ: ଧିରେ ଧିରେ କମିବାରେ ଲାଗିଛି ମହାନଦୀର ଜଳସ୍ତର । ବଡମ୍ବା ଭଟ୍ଟାରିକାଙ୍କ ମନ୍ଦିରରେ ବନ୍ୟା ଜଳ ପ୍ରବେଶ କରିଥିବା ପାଣି ଏବେ ଛାଡିବାରେ ଲାଗୁଛି । କିନ୍ତୁ ମନ୍ଦିର ପ୍ରବେଶ ଦ୍ବାରରେ ଏବେ ବନ୍ୟା ଜଳ ଜମି ରହିଛି । ଚଳିତ ଥର ଦ୍ବିତୀୟ ଥର ପାଇଁ ମହାନଦୀରେ ବନ୍ୟା ପରିସ୍ଥିତି ଉପୁଜିଥିଲା । ଫଳରେ ଏହାର ପାଖଆଖ ଅଞ୍ଚଳ ଜଳବନ୍ଦୀ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ବନ୍ୟା ଜଳରେ ହୁଳୁହୁଳା ଓ ରଣନାଳ ଦେଇ ଯିବା ଫଳରେ ଶହ ଶହ ହେକ୍ଟର ଚାଷଜମି ଜଳମଗ୍ନ ହୋଇଯାଇଛି । ତେବେ ବାଙ୍କୀ ବ୍ଲକର 7ଟି ପଞ୍ଚାୟତକୁ ଯୋଗଯୋଗ ବିଚ୍ଛିନ୍ନ ହୋଇପଡିଛି । ସେହିପରି ବିଲିପଡାରୁ ତାଳବସ୍ତ ଖୋର୍ଦ୍ଧାକୁ ସଂଯୋଗ କରୁଥିବା ରାସ୍ତା ଓ ଆଠଗଡ ବ୍ଲକର ସୋମପଡାରୁ ଖଣ୍ଡହତା ଗାଁକୁ ସଂଯୋଗ କରୁଥିବା ରାସ୍ତାରେ 4 ଫୁଟର ବନ୍ୟାଜଳ ପ୍ରବାହିତ ହେଉଛି । ତିଗିରିଆ ବ୍ଲକର ପୁରୁଣା ତିଗିରିଆ ପଞ୍ଚାୟତର ଚଷାଆଁରା ଗାଁରେ 3ଫୁଟର ବନ୍ୟା ଜଳ ଯୋଗୁଁ ବାହ୍ୟ ଜଗତରୁ ବିଚ୍ଛିନ୍ନ ହୋଇପଡ଼ିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
