16 ଲକ୍ଷ ଟଙ୍କାର ବ୍ରାଉନସୁଗାର ଜବତ, ଜଣେ ଗିରଫ

କଟକ ବାଙ୍କୀ ଅଞ୍ଚଳରୁ ଜବତ ହେଲା 164 ଗ୍ରାମ ବ୍ରାଉନସୁଗାର । ଅଧିକ ପଢନ୍ତୁ...

କଟକ: ବାଙ୍କୀ ଅଞ୍ଚଳରୁ ଜବତ ହେଲା 164 ଗ୍ରାମ ବ୍ରାଉନସୁଗାର । ସୁରେଶ ମହାପାତ୍ର ନାମକ ବ୍ୟକ୍ତି ଦୀର୍ଘ ଦିନ ଧରି ଏହି ବ୍ୟବସାୟ କରିଆସୁଥିଲା ବେଳେ ଆଜି(ବୁଧବାର) ଏହି ବେଆଇନ ବ୍ରାଉନସୁଗାର ବ୍ୟବସାୟ ଉପରେ ପୁର୍ଣ୍ଣଚ୍ଛେଦ ପକାଇ ଦେଇଛି କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ।

ପାଖାପାଖି 2 ମାସର ଟ୍ରାକିଂ ପରେ ଆଜି ସୁରେଶକୁ ହ୍ୟାଣ୍ଡକପ ପକାଇଛି ବିଭାଗ । 164 ଗ୍ରାମ ବ୍ରାଉନସୁଗାର ଜବତ କରିବା ପରେ ଆଉ କେଉଁମାନେ ଏହି ରାକେଟରେ ରହିଛନ୍ତି ତାହାକୁ ନେଇ ମଧ୍ୟ ତଦନ୍ତ ଜାରି ରଖିଛି ବିଭାଗ । ତେବେ ଜବତ ବ୍ରାଉନସୁଗାରର ମୂଲ୍ୟ 16 ଲକ୍ଷ ହେବା ନେଇ ସ୍ପଷ୍ଟ କରିଛନ୍ତି ବିଭାଗୀୟ ନିରୀକ୍ଷକ । କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ