କଟକ: ମାଡି଼ ଆସୁଛି କୋରୋନା ମହାମାରୀର ତୃତୀୟ ଲହର । ଏହାରି ମଧ୍ୟରେ ରାଜ୍ୟ ସରକାର ଦଶମ ଓ ଦ୍ବାଦଶ ଶ୍ରେଣୀ ଓ ହଷ୍ଟେଲ ଖୋଲିବାକୁ ଅନୁମତି ଦେଇଛନ୍ତି । ଏହାକୁ ବିରୋଧ କରି ଆଜି(ଗୁରୁବାର) ରେଭେନ୍ସା ବିଶ୍ବବିଦ୍ୟାଳୟ ସମ୍ମୁଖରେ ଛାତ୍ରଛାତ୍ରୀ ଆନ୍ଦୋଳନ କରିଛନ୍ତି ।
ବର୍ତ୍ତମାନ ସମୟରେ କୋଭିଡର ତୃତୀୟ ଲହର ଆସୁଛି । ଆଉ ସମସ୍ତ ଶିକ୍ଷକ ଓ ଶିକ୍ଷୟିତ୍ରୀ ଟିକା ନେଲେଣି କି ? ଯଦି ନେଇ ନାହାନ୍ତି ତେବେ ସରକାର ଶିକ୍ଷାନୁଷ୍ଠାନ ଖୋଲିବାକୁ ନେଇଥିବା ନିଷ୍ପତ୍ତି କେତେଦୂର ଯୁକ୍ତିଯୁକ୍ତ ସେନେଇ ପ୍ରଶ୍ନ କରିଛନ୍ତି ଆନ୍ଦୋଳନରତ ଛାତ୍ରଛାତ୍ରୀ । ତେବେ ଏହି ନିର୍ଦ୍ଦେଶନାମାକୁ ଆଉଥରେ ବିଚାର କରାଯାଇ ଖୋଲିବା ପ୍ରସଙ୍ଗକୁ ରାଜ୍ୟ ସରକାର ବନ୍ଦ କରନ୍ତୁ ବୋଲି ସେମାନେ କହିଛନ୍ତି ।
ଏହି ପ୍ରସଙ୍ଗକୁ ନେଇ ରେଭେନ୍ସା ବିଶ୍ବବିଦ୍ୟାଳୟ ସାମ୍ନାରେ ଆନ୍ଦୋଳନ କରିଛନ୍ତି ଛାତ୍ରଛାତ୍ରୀ । ଆଗାମୀ ଦିନରେ ସରକାର ଶିକ୍ଷାନୁଷ୍ଠାନ ଓ ହଷ୍ଟେଲ ବନ୍ଦ ନ କରିଲେ ବିପୁଳ ମାତ୍ରାରେ ଛାତ୍ରଛାତ୍ରୀ ସାମିଲ ହୋଇ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି ଆନ୍ଦୋଳନରତ ଛାତ୍ରଛାତ୍ରୀ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
