କଟକ: NCC ପକ୍ଷରୁ କଟକ ସହରରେ ଆରମ୍ଭ ହେଲା ପୁନିତ ସାଗର ଅଭିଯାନ(Puneet sagar Abhiyaan) । ସହରରେ ନଦୀ, ସମୁଦ୍ର ତଟକୁ ସଫା ରଖିବା ପାଇଁ ଏନସିସି ପକ୍ଷରୁ ଏହି ଅଭିଯାନ ଆରମ୍ଭ କରାଯାଇଛି । ପ୍ରଥମ ପର୍ଯ୍ୟାୟରେ ବୁଧବାର କଟକ ମହାନଦୀ ନିକଟରେ ଥିବା ବାଲିଯାତ୍ରା ପଡିଆକୁ ଏନସିସି ଛାତ୍ରଛାତ୍ରୀମାନେ ସଫା କରିଥିଲେ ।
ବର୍ତ୍ତମାନ ସମୟରେ ପରିବେଶ ପ୍ରଦୂଷଣ ମାତ୍ରା ବୃଦ୍ଧି ପାଇଥିଲା ବେଳେ ଏହି ଅଭିଯାନ ମାଧ୍ୟମରେ ପରିବେଶକୁ ପ୍ରଦୂଷଣ ମୁକ୍ତ ରଖାଯାଇପାରିବ ବୋଲି କହିଛନ୍ତି ଏନସିସି ଅଧିକାରୀ। ପୁନିତ ସାଗର ଅଭିଯାନର ଉଦଘାଟନଟି କାର୍ଯ୍ୟକ୍ରମରେ କଟକ ଜିଲ୍ଲାପାଳ ଭବାନୀ ଶଙ୍କର ଚୟିନୀ ଓ କଟକ ମେୟର ସୁବାସ ସିଂ ଯୋଗଦେଇ NCC ଛାତ୍ରଛାତ୍ରୀଙ୍କ ମନୋବଳକୁ ଆହୁରି ବୃଦ୍ଧି କରିଥିଲେ ।
ଏହି ଅବସରରେ କଟକ ଜିଲ୍ଲାପାଳ କହିଛନ୍ତି ଯେ, " ନଦୀ, ସମୁଦ୍ର ତଟରେ ଯେଉଁ ପ୍ଲାଷ୍ଟିକ ଏବଂ ଅଦରକାରୀ ବର୍ଯ୍ୟବସ୍ତୁ ରହିଛି ତାହାକୁ ପୁନିତ ସାଗର ଅଭିଯାନରେ ସାମିଲ କର୍ମକର୍ତ୍ତାମାନେ ସଫା କରିବେ । ଏହା ସହ ଏହି ବର୍ଯ୍ୟବସ୍ତୁର ନବୀକରଣ କରାଯିବ । ମୁଁ ଆଜି ଏହି କାର୍ଯ୍ୟକ୍ରମରେ ସାମିଲ ହୋଇ ଗୈରବାନ୍ବିତ ମନେ କରୁଛି ।"
ଇଟିଭି ଭାରତ, କଟକ
