କଟକ: କୋଭିଡ ପରିସ୍ଥିତିକୁ ଦୃଷ୍ଟିରେ ରଖି ଜାରି ରହିଛି ଲକଡାଉନ ଓ ସଟଡାଉନ । କଟକଣା ହେତୁ ଅନେକ ଅନୁଷ୍ଠାନ ବନ୍ଦ ରହୁଛି । ବିଶେଷ କରି ଗରିବ ଲୋକଙ୍କ ପାଇଁ ଉଦ୍ଧିଷ୍ଟ ଆହାର କେନ୍ଦ୍ର ସପ୍ତାହନ୍ତ ସଟଡାଉନରେ ବନ୍ଦ ରହୁଛି ।
ସପ୍ତାହନ୍ତ ସଟଡାଉନରେ ଅହର କେନ୍ଦ୍ର ବନ୍ଦ, ଚିନ୍ତାରେ ଗରିବ ଲୋକ
ଶନବାର ଓ ରବିବାର ଦୁଇ ଦିନ ପାଇଁ ଆହର କେନ୍ଦ୍ରରେ ଝୁଲୁଛି ତାଲା । ଏଠାକୁ ଆସୁଥିବା ଅନେକ ଲୋକ ଖାଦ୍ୟ ନପାଇ ଫେରିଯାଉଛନ୍ତି । ତେବେ ଏହାର ସମାଧାନ ହେବା ଆବଶ୍ୟକ । କାରଣ ଯେଉଁମାନେ ଦିନ ମଜୁରୀ କରି ନିଜର ପେଟ ପୋଷୁଛନ୍ତି କିମ୍ବା ରାସ୍ତା କଡରେ ଭିକ ମାଗି ଚଳୁଛନ୍ତି ସେମାନେ ଆହାର ଗଣ୍ଡାଏ ପାଇଁ ଡହଳ ବିକଳ ହେଉଛନ୍ତି । ତେବେ ଯଦି ଆହାର କେନ୍ଦ୍ର ସଟଡାଉନରେ ଖୋଲାଯାଇପାରନ୍ତା ତେବେ ଅନେକ ଭୋକିଲା ପେଟକୁ ଦାନା ମିଳିପାରନ୍ତା ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
