କଟକ: ସଂଘବଦ୍ଧ ଅପରାଧ ବିରୋଧରେ ପୋଲିସକୁ ମିଳିଛି ବଡ ସଫଳତା। ଚୋରା ବନ୍ଧୁକ ଡ଼ିଲ ସମୟରେ ୭ ଜଣଙ୍କୁ ଗିରଫ କଲା ପୋଲିସ। ଗିରଫଙ୍କ ମଧ୍ୟରେ 2 କୁଖ୍ୟାତ ଅପରାଧୀ ଥିବା ସୂଚନା ରହିଛି । ଅପରାଧୀ ବିଜୟ ନାୟକ, ଜଗନ୍ନାଥ ଦାସ ଉଭୟ ଟିଟୋ ଗ୍ଯାଙ୍ଗର ସଦସ୍ୟ ହୋଇଥିବା ସୂଚନା । ଅଭିଯୁକ୍ତ ଠାରୁ 7 ବନ୍ଧୁକ ଓ 65 ରାଉଣ୍ଡ ଗୁଳି ଜବତ ହୋଇଛି । ଏହା ସହ କାର, ମୋବାଇଲ ଆଦି ମଧ୍ୟ ଜବତ କରିଛି ପୋଲିସ । କୌଣସି ବଡ ଧରଣର ଅପରାଧିକ କାର୍ଯ୍ୟ ପାଇଁ ଯୋଜନା ହେଉଥିବା ସନ୍ଦେହ କରୁଛି ପୋଲିସ ।
ମିଳିଥିବା ସୂଚନା ଅନୁସାରେ ବନ୍ଧୁକ ବିକ୍ରି ପାଇଁ ଯୋଜନା କରୁଥିବାବେଳେ ଖବର ପାଇ ପୋଲିସ ଏମାନଙ୍କୁ ଗିରଫ କରିବାରେ ସଫଳ ହୋଇଛି । ଗିରଫ ଅଭିଯୁକ୍ତ ମାନେ ପୂର୍ବରୁ ମଧ୍ୟ ଏକାଧିକ ଅପରାଧିକ ଘଟଣାରେ ସାମିଲ ଥିବା ମଧ୍ୟ ପୋଲିସ କହିଛି । ଅଭିଯୁକ୍ତମାନଙ୍କୁ ରିମାଣ୍ଡରେ ନେଇ ଅଧିକ ପଚରାଉଚରା କରାଯିବ। ଭଦ୍ରକ, କେନ୍ଦ୍ରାପଡ଼ା, ଜଗତସିଂହପୁର ଏସପିଙ୍କୁ ମଧ୍ୟ ତଦନ୍ତରେ ସହଯୋଗ ପାଇଁ କୁହାଯିବ । ପ୍ରେସମିଟରେ ସୂଚନା ଦେଇଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।
କଟକରୁ ନାରାୟଣ ସାହୁ , ଇଟିଭି ଭାରତ
