କଟକ: କଟକ ବୋର୍ଡ ହାଇସ୍କୁଲ ପରୀକ୍ଷା କେନ୍ଦ୍ରରେ ଆଜି ଦେଖିବାକୁ ମିଳିଥିଲା ଏକ ଭିନ୍ନ ଦୃଶ୍ୟ । ପରୀକ୍ଷା କେନ୍ଦ୍ରରେ ତିନୋଟି ସ୍କୁଲର ପରୀକ୍ଷାର୍ଥୀ ପରୀକ୍ଷା ଦେଉଥିବା ବେଳେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ଯୋବ୍ରା ମୁନିସିପାଲଟି ସ୍କୁଲର ଛାତ୍ରୀ ସୋନାଲି ଦାସ । ଦୂରାରୋଗରେ ପୀଡିତ ସୋନାଲିଙ୍କ ଇଚ୍ଛା ଶକ୍ତି ଆଗରେ ହାର ମାନିଛି ଶାରୀରିକ ଦୁର୍ବଳତା ।
ହ୍ବିଲ ଚେୟାରର ସାହାରା ନେଇ ଥିବା ଏହି ଛାତ୍ରୀ ଜଣକଙ୍କ ଏପରି ସ୍ବାସ୍ଥ୍ୟଗତ ସମସ୍ୟା ଦେଇ ଗତି କରୁଛନ୍ତି କି ସେ ନିଜ ହାତରେ ଲେଖିବା ପାଇଁ ମଧ୍ୟ ସକ୍ଷମ ହୋଇ ପାରୁ ନାହାନ୍ତି । ଏନେଇ ସୋନାଲିଙ୍କ ପାଇଁ ପରୀକ୍ଷା କେନ୍ଦ୍ର ରେ ହୋଇଥିଲା ସ୍ବତନ୍ତ୍ର ବ୍ୟବସ୍ଥା । ଅନ୍ୟ ଜଣେ ଛାତ୍ରୀଙ୍କ ସହାୟତାରେ ସେ ଦେଇଛନ୍ତି ପରୀକ୍ଷା।
ତେବେ ପିଲା ବେଳୁ ଭଲ ପାଠ ପଢୁ ଥିବା ସୋନାଲି ଆଗକୁ ବାଣିଜ୍ୟ ଅଧୟନ କରିବା ସହ ଜଣେ ଚାଟାଡ୍ ଆକାଉଣ୍ଟାଟ ହେବେ ବୋଲି ଲକ୍ଷ୍ୟ ରଖିଛନ୍ତି । ଏନେଇ ଝିଅର ପାଠ ପଢିବା ପ୍ରତି ଆଗ୍ରହକୁ ଦେଖି ତାଙ୍କ ବାପା ମା ନିଜର ଦରିଦ୍ରତାକୁ ଭୁଲି ଲୋକେ ସୋନାଲିଙ୍କୁ ସମସ୍ତ ପ୍ରକାର ସୁବିଧା ସୁଯୋଗ ପ୍ରଦାନ କରିବା ପାଇଁ କରୁଛନ୍ତି ପ୍ରୟାସ ।
ଇଟିଭି ଭାରତ, କଟକ
