କଟକ: ଏସସିବି ଗାଡି ଚୋରି ଘଟଣାରେ ଲମ୍ବୁଛି ଚେର । ପୂର୍ବରୁ ଏହି ଘଟଣାରେ ୩ ଜଣଙ୍କୁ ଗିରଫ କରିଥିଲା ମଙ୍ଗଳାବାଗ ଥାନା ପୋଲିସ । ଆଉ ଆଜି(ରବିବାର) ସେହି ଗ୍ୟାଙ୍ଗର ଅନ୍ୟ ଏକ ସହଯୋଗୀକୁ ଗିରଫ କରିଛି ପୋଲିସ । ୫ଟି ଗାଡି ଚୋରି କରିବା ପରେ ଆଜି ପୋଲିସ ତାକୁ ପକାଇଛି ହ୍ୟାଣ୍ଡକପ । ଗିରଫ ଅଭିଯୁକ୍ତ ଜଣକ ହେଲେ ଖୋର୍ଦ୍ଧା ବାଘମାରି ଅଞ୍ଚଳର ହେମନ୍ତ ସାହୁ ।
SCB ଗାଡି ଚୋରି ଗ୍ୟାଙ୍ଗର ଆଉ ଜଣେ ସଦସ୍ୟ ଗିରଫ
ଅଭିଯୁକ୍ତ ଠାରୁ ଜବତ ହୋଇଛି ୫ଟି ବାଇକ । ତେବେ ଅନ୍ୟ ସଦସ୍ୟଙ୍କ ଉପରେ କମିଶନରେଟ ପୋଲିସ ରଖିଛି ତୀକ୍ଷ୍ଣ ନଜର । ତେବେ ଏଯାବତ ଏହି ଗ୍ୟାଙ୍ଗ ନିକଟରୁ ୧୩ଟି ବାଇକ ଜବତ କରିଛି ପୋଲିସ । ତେବେ ଏସସିବିରେ ଏହି ଗ୍ୟାଙ୍ଗ ଦୀର୍ଘ ଦିନ ଧରି ସକ୍ରିୟ ରହିଥିବା ହେତୁ ନିଜର ଅପରାଧିକ ସାମ୍ରାଜ୍ୟର ପରିଧିକୁ ଆହୁରି ପ୍ରଶସ୍ତ କରିଛି । ତେବେ ଏହି ମାମଲାରେ ଆହୁରି ତଦନ୍ତ କରିବା ସହ ଏସସିବିରେ ଜୋରଦାର ନଜର ରଖିଛି ପୋଲିସ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
