କଟକ: ସିଲଭର ସିଟିରେ ଚାଞ୍ଚଲ୍ୟ । ବୃଦ୍ଧାଙ୍କୁ ଦୁଷ୍କର୍ମ ଅଭିଯୋଗ । ବକ୍ସିବଜାର ଅଞ୍ଚଳର ଜଣେ ୬୦ ବର୍ଷରୁ ଊର୍ଦ୍ଧ୍ବ ବୟସ୍କା ବୃଦ୍ଧାଙ୍କୁ ଦୁଷ୍କର୍ମ କରି ଫେରାର ହୋଇ ଯାଇଛି ଦୁର୍ବୃତ୍ତ । ବୃଦ୍ଧା ଜଣକ ଘରେ ଏକା ଥିବା ବେଳେ ଦୁର୍ବୃତ୍ତ ଘରେ ପଶି ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
ଏନେଇ ପୀଡ଼ିତା ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୁକ୍ତକୁ ଶୀଘ୍ର ଗିରଫ କରିବାକୁ ଦାବି ହୋଇଛି । ଏନେଇ ମହିଳା ଥାନାରେ ଏକ ମାମଲା ରୁଜୁ କରାଯାଇଛି । ତେବେ ଏଠାରେ ପ୍ରଶ୍ନ ଉଠୁଛି ମଣିଷ ଏପରି ଅମାନୁଷିକ ହେବ କିପରି । ସମାଜରେ ରହି ଏପରି ଆଚରଣ କରିବା ଏକ ପଶୁ ସଦୃଶ ବୋଲି କହିଛନ୍ତି ସ୍ଥାନୀୟ କର୍ପୋରେଟର । ସେପଟେ ଡିସିପି କହିଛନ୍ତି, "ବୃଦ୍ଧାଙ୍କ ଏତଲା ଆଧାରରେ ମହିଳା ଥାନାରେ ମାମଲା ରୁଜୁ ହୋଇଛି । ପୋଲିସ ସଠିକ ତଦନ୍ତ କରି ଦୋଷୀକୁ ଉଚିତ ଦଣ୍ଡ ଦିଆଯିବ ।" ଏହି ଘଟଣାରେ ଦୋଷୀକୁ ଶୀଘ୍ର ଗିରଫ କରିବା ନେଇ ତଦନ୍ତ ଜାରି ରହିଛି । ପ୍ରଥମେ ବୃଦ୍ଧାଙ୍କର ଡାକ୍ତରୀ ମାଇନା କରିବା ପରେ ସ୍ଥାନୀୟ ସମସ୍ତ ସିସିଟିଭିକୁ ଯାଞ୍ଚ କରାଯାଇଛି । ତେବେ ଖୁବଶୀଘ୍ର ଅଭିଯୁକ୍ତ ଗିରଫ ହେବା ନେଇ କହିଛନ୍ତି କଟକ ଡିସିପି ପୀନାକ ମିଶ୍ର ।
ଇଟିଭି ଭାରତ, କଟକ
