ଦରମା ଦାବିରେ ଶିଶୁଭବନ ନର୍ସଙ୍କ ଆନ୍ଦୋଳନ

କଟକ ଶିଶୁ ଭବନ ସମ୍ମୁଖରେ ନର୍ସଙ୍କ ଆନ୍ଦୋଳନ । ଦରମା ମିଳୁନଥିବା ଅଭିଯୋଗ । ଅଧିକ ପଢନ୍ତୁ...

କଟକ: ତେଜିଲା ନର୍ସ ଆନ୍ଦୋଳନ । ମୂଳ ବେତନ ନ ମିଳିବାରୁ ରାସ୍ତାକୁ ଓହ୍ଲାଇଛି ନର୍ସ ସଂଘ । ଆଜି(ଶନିବାର) କଟକ ଶିଶୁ ଭବନ ସ୍ଥିତ ସୁପରିଟେଣ୍ଡଣ୍ଟଙ୍କ କାର୍ଯ୍ୟାଳୟ ସମ୍ମୁଖରେ ନର୍ସମାନେ ଆନ୍ଦୋଳନ କରିଛନ୍ତି ।

କୋରୋନା ମହାମାରୀ ସମୟରେ ନିଜ ଜୀବନକୁ ବାଜି ଲଗାଇ କର୍ତ୍ତବ୍ୟ କରିବା ସତ୍ତ୍ୱେ ନର୍ସମାନଙ୍କୁ ଏପର୍ଯ୍ୟନ୍ତ ମୂଳ ଦରମା ମିଳିନାହିଁ । ଅନ୍ୟପଟେ ରାଜ୍ୟସରକାର ଠିକାରେ ନିଯୁକ୍ତି ହୋଇଥିବା ନର୍ସମାନଙ୍କୁ ଚାକିରୀରୁ ମଧ୍ୟ ଛଟେଇ କରିଛନ୍ତି । ତେଣୁ ଠିକ୍ ସମୟରେ ଦରମା ସହ ସ୍ଥାୟୀ ନିଯୁକ୍ତି ଦାବି କରିଛନ୍ତି ନର୍ସ । ତେବେ ଏହି ଆନ୍ଦୋଳନ ଜାରି ରହିବା ସହ ରୋଗୀଙ୍କ ସେବା ମଧ୍ୟ ଜାରି ରହିବ ବୋଲି କହିଛନ୍ତି ନର୍ସ । କିନ୍ତୁ ଶୀଘ୍ର ଉଚ୍ଚ ଅଧିକାରୀ ଏହି ସଂକ୍ରାନ୍ତରେ ହସ୍ତକ୍ଷେପ କରନ୍ତୁ ବୋଲି ନର୍ସଙ୍କ ପକ୍ଷରୁ ଦାବି କରାଯାଇଛି ।କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ