ନିଆଳି: ଲଗାଣ ବର୍ଷା ଯୋଗୁଁ ରାଜ୍ୟରେ ବନ୍ୟା ସ୍ଥିତି ଉପୁଜିଛି । କଟକ ଗ୍ରାମାଞ୍ଚଳରେ ମଧ୍ୟ ବନ୍ୟା ସ୍ଥିତି ସଙ୍ଗୀନ ରହିଛି । ଏନେଇ ଦେବୀ ଓ କନ୍ଦଳ ନଦୀ ବନ୍ଧ ଅଞ୍ଚଳ ପରିଦର୍ଶନ କରିଛନ୍ତି ନିଆଳି ବିଧାୟକ ପ୍ରଫେସର ଡାକ୍ତର ପ୍ରମୋଦ କୁମାର ମଲ୍ଲିକ । ବିଭିନ୍ନ ଦୁର୍ବଳ ସ୍ଥାନକୁ ଯାଇ ସ୍ଥିତି ଅନୁଧ୍ୟାନ କରିଛନ୍ତି । ‘‘ଏବେ ସୁଦ୍ଧା କଟକର ବାରଙ୍ଗ, କଣ୍ଟାପଡ଼ା ଓ ନିଆଳି ବ୍ଲକର କୌଣସି ଭୟାଭୟ ପରିସ୍ଥିତି ଉପୁଜିନଥିବା କହିଛନ୍ତି ବିଧାୟକ’’।
ନିଆଳି ବ୍ଲକ କଣ୍ଟିଶାଳ,ପାରିମାଳ ସେହିପରି କଣ୍ଟାପଡ଼ା ବ୍ଲକର ଗୋବିନ୍ଦପୁର,ଧାନମଣ୍ତଳ ଆଦି ବିପଦ ପୂର୍ଣ୍ଣ ସ୍ଥାନ ପରିଦର୍ଶନ କରିଛନ୍ତି । ୧୯୮୨ ମସିହା ଠାରୁ ଏହି ସ୍ଥାନ ଗୁଡିକ ସ୍ଥାନୀୟ ଅଞ୍ଚଳ ଲୋକଙ୍କ ପାଇଁ ବିପଦ ସୃଷ୍ଟି କରି ଆସୁଛି । ବିଭିନ୍ନ ଘଳିଆ ସ୍ଥାନ ମାନଙ୍କରେ ବାଲି ବସ୍ତା ମାଧ୍ୟମରେ ଘଳିଆ ବନ୍ଦ କରାଯାଉଛି । ବିଧାୟକଙ୍କ ପରିଦର୍ଶନ ସମୟରେ ନିଆଳି ଓ କଣ୍ଟାପଡ଼ା ଜଳ ସମ୍ପଦ ଉପଖଣ୍ଡ ଅଧିକାରୀଙ୍କ ସମେତ ନିର୍ବାଚିତ ଲୋକ ପ୍ରତିନିଧି ମାନେ ଉପସ୍ଥିତ ଥିଲେ ।
ଇଟିଭି ଭାରତ,ନିଆଳି
