କଟକ: ସରିଲା ଚଳିତବର୍ଷର ମାଟ୍ରିକ ପରୀକ୍ଷା ଖାତା ମୂଲ୍ୟାୟନ ପ୍ରକ୍ରିୟା । ରାଜ୍ୟର ମୋଟ 60ଟି କେନ୍ଦ୍ରରେ ଅନୁଷ୍ଠିତ ଏହି ମୂଲ୍ୟାୟନ ପ୍ରକ୍ରିୟା ଶୁକ୍ରବାର ସୁରୁଖୁରୁରେ ଶେଷ ହୋଇଛି । ତେବେ ଚଳିତବର୍ଷର ମୂଲ୍ୟାଙ୍କନ ପ୍ରକ୍ରିୟାରେ କୌଣସି ତ୍ରୁଟି ପରିଲକ୍ଷିତ ହୋଇ ନଥିବା ପ୍ରକାଶ ପାଇଛି। ତେଣେ ଆସନ୍ତା ମେ’ ମାସ ସୁଦ୍ଧା ରେଜଲ୍ଟ ଘୋଷଣା କରାଯିବ ବୋଲି କହିଛନ୍ତି ବୋର୍ଡ଼ ସମ୍ପାଦକ ରାମଶିଷ ହାଜରା।
ଚଳିତବର୍ଷର ମାଟ୍ରିକ ପରୀକ୍ଷା ବେଶ ବିବାଦୀୟ ହୋଇଥିଲା। କାରଣ ପରୀକ୍ଷାର ପ୍ରଥମ ଦିନରୁ ହିଁ ପ୍ରଶ୍ନପତ୍ର ଭାଇରାଲ ହୋଇଥିଲା। ଯେଉଥିପାଇଁ ଚିନ୍ତାରେ ପଡିଥିଲେ ଛାତ୍ରଛାତ୍ରୀ, ଅଭିଭାବକ ଓ ବୋର୍ଡ଼ । ଏପରିକି ପ୍ରତିଟି ଅଭିଯୋଗରେ ଆକ୍ସନ ମଧ୍ୟ ନେଇଥିଲା ବୋର୍ଡ।
ଅନ୍ୟପଟେ ଏବେ ବି ଝୁଲି ରହିଛି ବୋର୍ଡ଼ ପରୀକ୍ଷା ବୈଠକ ନିଷ୍ପତ୍ତି। ସଠିକ ପ୍ରମାଣପତ୍ରର ଅଭାବ ଯୋଗୁଁ 3ଟି ଜିଲ୍ଲାରେ ବାତିଲ ହୋଇଥିବା ଇଂରାଜୀ ପରୀକ୍ଷା ଓ 108 ଓଏମଆର ସିଟ୍ ନିଖୋଜ ଘଟଣା ଏବେ ବି ସସପେନ୍ସ ଘେରରେ। କିନ୍ତୁ ଏହି ନିଷ୍ପତ୍ତି ରେଜଲ୍ଟ ପ୍ରକାଶ ପୂର୍ବରୁ ନିଆଯିବ ବୋଲି ପ୍ରକାଶ କରିଛନ୍ତି ବୋର୍ଡ ସମ୍ପାଦକ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
