କଟକ: କୁତାଖାଇ ସାହିରେ ଜଣେ ମହିଳାଙ୍କୁ ଅତି ନିର୍ମମ ଭାବରେ ହତ୍ୟା ଘଟଣାକୁ ନେଇ ବୁଧବାର ପ୍ରତିବାଦ କରିଛି କଟକ ମହିଳା କଂଗ୍ରେସ । ଶତାଧିକ ମହିଳା କଂଗ୍ରେସ କର୍ମୀ କଟକ ଡିସିପିଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିବା ସହ କଟକ ଡ଼ିସିପିଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି । ଖୁବଶୀଘ୍ର ହତ୍ୟାକାରୀକୁ ଗିରଫ କରିବାକୁ ଦାବି ଜଣାଇଛନ୍ତି ମହିଳା କଂଗ୍ରେସ କର୍ମୀ ।
ମହିଳାଙ୍କୁ ନିର୍ମମ ହତ୍ୟା ଘଟଣାରେ ମହିଳା କଂଗ୍ରେସର ପ୍ରତିବାଦ
କେବଳ ସେତିକି ନୁହେଁ ଜଣେ ସ୍ୱିଗି ଡେଲେଭରି ବୟଙ୍କ ହତ୍ୟାକାଣ୍ଡ ଘଟଣାରେ ମଧ୍ୟ ପୋଲିସ ଅଭିଯୁକ୍ତକୁ ଧରି ପାରିନଥିବା ଅଭିଯୋଗ କରିଛି ମହିଳା କଂଗ୍ରେସ । ତେବେ ଅଭିଯୁକ୍ତକୁ ଖୁବଶୀଘ୍ର ଗିରଫ କରାନଗଲେ ରାଜରାସ୍ତାକୁ ଓହ୍ଲାଇବ ବୋଲି ଚେତାବନୀ ଦେଇଛି ମହିଳା କଂଗ୍ରେସ ।
ଇଟିିଭି ଭାରତ, କଟକ
