କଟକ: ଯୁକ୍ତ 2 କଳା ଓ ବାଣିଜ୍ୟ ପରୀକ୍ଷା ଫଳ ଶୁକ୍ରବାର ପ୍ରକାଶ ପାଇଥିବା ବେଳେ ଟାଙ୍ଗୀ ଅଞ୍ଚଳର ଲିପ୍ସାରାଣୀ ସାହୁ କଳାରେ ଟପର ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଲିପ୍ସା ରେଭେନ୍ସାରେ ପଢ଼ୁଥିବା ବେଳ ପରୀକ୍ଷାରେ 90 ପ୍ରତିଶତ ମାର୍କ ରଖି ଟପର ହୋଇଛନ୍ତି । ଲିପ୍ସାଙ୍କ ଟପର ହେବା ଖବର ଆସିବା ପରେ ଏହାକୁ ନେଇ ଶ୍ରଦ୍ଧାଞ୍ଜଳୀ କୋଚିଂ ସେଣ୍ଟରରେ ଖୁସିର ମାହୋଲ ଖେଳିଯାଇଛି । ସମସ୍ତ ଛାତ୍ରଛାତ୍ରୀ ଓ ଅଭିଭାବକ ଲିପ୍ସାଙ୍କୁ ମିଠା ଖୁଆଇ ଅଭିନନ୍ଦନ ଜଣାଇଛନ୍ତି ।
ଦିନକୁ 8 ଘଣ୍ଟାରୁ ଊର୍ଦ୍ଧ୍ବ ସମୟ ପାଠ ପଢିବା ସହ ବହୁ ପରିଶ୍ରମ ପରେ ସଫଳତା ପାଇଛନ୍ତି ସଫଳତା ପାଇଛନ୍ତି ବୋଲି ଲିପ୍ସା କହିଛନ୍ତି । ଲିପ୍ସା ନିଜ ସଫଳତା ଶ୍ରେୟ ବାପା ମାଆ ଓ ଶ୍ରଦ୍ଧାଞ୍ଜଳୀ କୋଚିଂ ସେଣ୍ଟରକୁ ଦେଇଛନ୍ତି । ଆଗାମୀ ଭବିଷ୍ୟତରେ ଏକ ଭଲ ଅଧ୍ୟାପିକା ହେବା ନେଇ ଲକ୍ଷ୍ୟ ରଖିଛନ୍ତି ବୋଲି ଲିପ୍ସା କହିଛନ୍ତି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
