ଆରପାରିରେ ଖୋକା ଭାଇଙ୍କ ପତ୍ନୀ

କଟକର ଶେଖ ବଜାର ସ୍ଥିତ ତାଙ୍କ ବାସଭବନରେ ଶେଷ ନିଶ୍ବାସ ତ୍ୟାଗ କରିଛନ୍ତି ପ୍ରବୀଣା ମହାନ୍ତି । ସେ ଦୀର୍ଘ ଦିନରୁ ଅସୁସ୍ଥ ଥିଲେ ।

କଟକ: ପରଲୋକରେ ବିଶିଷ୍ଟ ସଙ୍ଗୀତଜ୍ଞ ସ୍ବର୍ଗୀୟ ଅକ୍ଷୟ ମହାନ୍ତିଙ୍କ ପତ୍ନୀ ପ୍ରବୀଣା ମହାନ୍ତି । କଟକର ଶେଖ ବଜାର ସ୍ଥିତ ତାଙ୍କ ବାସଭବନରେ ଶେଷ ନିଶ୍ବାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ 74 ବର୍ଷ ହୋଇଥିଲା ।

ସେ ଦୀର୍ଘ ଦିନରୁ ଅସୁସ୍ଥ ଥିଲେ । ରାତି ସମୟ ପାଖାପାଖି 10.30 ସମୟରେ ତାଙ୍କ ଦେହାନ୍ତ ଘଟିଛି । ଏହି ଖବର ପାଇବା ପରେ ଓଡିଆ ଫିଲ୍ମ ସହ ସଙ୍ଗୀତ ଦୁନିଆରେ ଶୋକର ଛାୟା ଖେଳିଯାଇଛି । ଓଡିଆ ସଙ୍ଗୀତ ଜଗତରେ ଖୋକା ଭାଇ ଭାବେ ବେଶ ଜଣାଶୁଣା ଥିଲେ ଅକ୍ଷୟ ମହାନ୍ତି । ସେ 1967 ମସିହାରେ ପ୍ରବୀଣାଙ୍କ ସହ ବିବାହ ବନ୍ଧନରେ ବାନ୍ଧି ହୋଇଥିଲେ ।

କଟକରୁ ନାରାୟଣ ସାହୁ, ଇଟିଭି ଭାରତ