କଟକ: ଅନୁସୂଚିତ ଜାତି ସମ୍ପ୍ରଦାୟ ଯୁବତୀକୁ ଦୁଷ୍କର୍ମ ମାମଲା । ଅଭିଯୁକ୍ତକୁ ୧୫ ବର୍ଷ ଜେଲ ଦଣ୍ଡାଦେଶ ସହ ୫୦ ହଜାର ଟଙ୍କାର ଜୋରିମାନା ପାଇଁ ନିର୍ଦ୍ଦେଶ ଦେଲେ କଟକ Presiding Officer Special Court under SC & ST POA । ଜରିମାନା ନଦେଲେ ଅନାଦେୟ ୧ ବର୍ଷ ଜେଲ ଦଣ୍ଡାଦେଶ ପାଇଁ କୋର୍ଟଙ୍କ ନିର୍ଦ୍ଦେଶ ।
ଏପ୍ରିଲ ୨୮, ୨୦୧୪ରେ ଜଗତପୁର ଥାନା ଅଞ୍ଚଳରେ ଘଟିଥିଲା ଏହି ଦୁଷ୍କର୍ମ ଘଟଣା । ମୁଖ୍ୟ ଅଭିଯୁକ୍ତ ମନୋରଞ୍ଜନ ପରିଡ଼ା ଏହି ଦୁଷ୍କର୍ମ କରିଥିବା ବେଳେ ତାକୁ ସହଯୋଗ କରିଥିଲା ପୀଡ଼ିତାର ମାମୁଁ ଭାଇ । ପୀଡ଼ିତାର ମାମୁଁ ଘର ଜଗତପୁର ଥାନା ଅଂଚଳରେ ଥିବା ବେଳେ ମାଲଗୋଦାମ ଥାନା ଅଂଚଳରେ ପୀଡିତାର ଘର । ପୀଡ଼ିତା ନିୟମିତ ଭାବେ ନିଜ ମାମୁଁ ଘରକୁ ଯାଉଥିଲେ । କେହି ନଥିବା ସୁଯୋଗ ନେଇ ମାମୁଁ ପୁଅ ଭାଇ ଅନନ୍ତ ବେହେରାର ସହଯୋଗ ନେଇ ଦୁଷ୍କର୍ମ କରିଥିଲା ମୁଖ୍ୟ ଅଭିଯୁକ୍ତ ମନୋରଞ୍ଜନ ।
ଇଟିଭି ଭାରତ, କଟକ
