କଟକ: ସିଲଭର ସିଟିରେ ବେଆଇନ ବାଣ କାରବାର । ଜଗତପୁର ଥାନା ପୋଲିସ ବିଭିନ୍ନ ସ୍ଥାନରେ ଚଢାଉ କରି ବିପୁଳ ପରିମାଣରେ ବାଣ ଓ ବାଣ ତିଆରି ସାମଗ୍ରୀ ଜବତ କରିଛି । ଏହି ଘଟଣାରେ ୬ଜଣଙ୍କୁ ଅଟକ ରଖି ତଦନ୍ତ ଚଳାଇଛି କଟକ କମିଶନରେଟ ପୋଲିସ ।
ଜଗତପୁରରୁ ବିପୁଳ ପରିମାଣର ବେଆଇନ ବାଣ ଜବତ । ପଦ୍ମପୁର ଓ ତ୍ରିଲୋଚନପୁର ଅଞ୍ଚଳରୁ ଲକ୍ଷାଧିକ ଟଙ୍କାର ବେଆଇନ ବାଣ ଜବତ କରିଛି ଜଗତପୁର ପୋଲିସ । ବିଭିନ୍ନ ପ୍ରକାରର ବାଣ ସମେତ ବାଣ ପ୍ରସ୍ତୁତିରେ ବ୍ୟବହୃତ ସାମଗ୍ରୀ ଜବତ ହୋଇଛି । ଏହି ଘଟଣାରେ ପୋଲିସ 6 ଜଣଙ୍କୁ ଅଟକ ରହିଛି ।
ବାଣ ପ୍ରସ୍ତୁତିରେ ବ୍ୟବହୃତ କଞ୍ଚାମାଲ, ଘଡି, ରଞ୍ଜକ ଓ ଅନ୍ୟାନ୍ୟ ସାମଗ୍ରୀ ସହିତ ଲକ୍ଷାଧିକ ଟଙ୍କାର ବାଣ ଜବତ କରାଯାଇଛି । ଅଟକ ଥିବା 6 ଜଣ ବ୍ୟବସାୟୀଙ୍କୁ ବେଆଇନ କାରବାର ଉପରେ ପଚରାଉଚରା ଜାରି ରଖିଛି ପୋଲିସ । ଆଗକୁ ଦୀପାବଳି ଆସୁଥିବାରୁ ପୋଲିସ ଏବେ ଠାରୁ ବେଆଇନ ବାଣ ଗୋଦାମମାନଙ୍କରେ ଚଢ଼ାଉ କରିଛି ।
ଏହା ମଧ୍ୟ ପଢ଼ନ୍ତୁ: ୪୦ ଲକ୍ଷରୁ ଊର୍ଦ୍ଧ୍ବ ଟଙ୍କାର ବେଆଇନ ବାଣ ଜବତ, ୪ ଅଟକ
ଗତ ବର୍ଷ ମଧ୍ୟ କଟକ ଖାନନଗର ଅଞ୍ଚଳରୁ ବିପୁଳ ପରିମାଣର ବେଆଇନ ବାଣ ଜବତ କରିଥିଲା କମିଶନରେଟ ପୋଲିସ । ବାଦାମବାଡ଼ି ଥାନା ପୋଲିସ ଚଢ଼ାଉ କରି ୫ ଲକ୍ଷ ଟଙ୍କାର ବେଆଇନ ବାଣ ଜବତ କରିଥିଲା । ସେହିପରି ନିମଚଉଡି ଅଞ୍ଚଳରେ ଲାଲବାଗ ଥାନା ପୋଲିସ ପକ୍ଷରୁ ଚଢ଼ାଉ କରି ପ୍ରାୟ ପାଞ୍ଚ ଲକ୍ଷ ଟଙ୍କାର ବେଆଇନ ବାଣ ଜବତ କରାଯାଇଥିଲା ।
ଇଟିଭି ଭାରତ, କଟକ
