ଦାନ ରଥ କାଠକୁ ମାଂସ କାଟିବାରେ ବ୍ୟବହାର କରାଯାଉଥିବା ହିନ୍ଦୁ ସେନାର ଅଭିଯୋଗ

ମହାପ୍ରଭୁ ଜଗନ୍ନାଥଙ୍କ ବିଶ୍ବ ପ୍ରସିଦ୍ଧ ରଥଯାତ୍ରା ନିମନ୍ତେ ଭକ୍ତ ମାନଙ୍କ ଦ୍ବାରା ଦାନରେ ଆସୁଥିବା କାଠକୁ ମାଂସ ଦୋକାନରେ ମାଂସ କାଟିବାରେ ବ୍ୟବହାର କରିବା ପାଇଁ ବିକ୍ରି କରାଯାଇଥିବା ଅଭିଯୋଗ ଆଣିଛି ହିନ୍ଦୁ ସେନା । ଅଧିକ ପଢନ୍ତୁ

କଟକ: ମହାପ୍ରଭୁ ଜଗନ୍ନାଥଙ୍କ ବିଶ୍ବ ପ୍ରସିଦ୍ଧ ରଥଯାତ୍ରା ନିମନ୍ତେ ଭକ୍ତ ମାନଙ୍କ ଦ୍ବାରା ଦାନରେ ଆସୁଥିବା କାଠକୁ ମାଂସ ଦୋକାନରେ ମାଂସ କାଟିବାରେ ବ୍ୟବହାର କରିବା ପାଇଁ ବିକ୍ରି କରାଯାଇଛି । ଏହି ଅଭିଯୋଗ ଆଣିଛି ହିନ୍ଦୁସେନା । ଯେତେବେଳେ ରଥ ନିର୍ମାଣ ପାଇଁ କାଠ ଆସେ, ସେହି କାଠକୁ ବହୂ ପୂଜାର୍ଚ୍ଚନା ସହ ପବିତ୍ର କରାଯାଇ ରଥ ନିର୍ମାଣ କରାଯାଏ । ମାତ୍ର ସେହି କାଠକୁ ମାଂସ ଦୋକାନରେ ବ୍ୟବହାର ପାଇଁ ବିକ୍ରି କରାଯାଇ ଯେଉଁ ଘୃଣ୍ୟ କାମ କାମ କରାଯାଇଛି, ଯାହା ସୋସିଆଲ ମିଡିଆରେ ଭାଇରଲ ହୋଇଛି ବୋଲି ସିଧାସଳଖ ଅଭିଯୋଗ କରିଛନ୍ତି ରାଜ୍ୟ ହିନ୍ଦୁସେନା ସଭାପତି ଦେବାଶିଷ ରାଉତ ।

ତେବେ ଏହାଦ୍ୱାରା ମହାପ୍ରଭୁଙ୍କ ଅପମାନ ହେବା ସହିତ କୋଟିକୋଟି ଜଗନ୍ନାଥ ଭକ୍ତଙ୍କ ମନରେ ଆଘାତ ପହଞ୍ଚାଇଛି । ଯାହାକୁ କଡା ବିରୋଧ କରିଛି ହିନ୍ଦୁ ସେନା । ଆଜି(ଗୁରୁବାର) କେନ୍ଦ୍ରାଞ୍ଚଳ ଆରଡିସିଙ୍କ କାର୍ଯ୍ୟଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ମାଂସ ଦୋକାନୀକୁ କାଠ ବିକ୍ରି କରୁଥିବା ବ୍ୟକ୍ତିଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛି ସଙ୍ଗଠନ ।

ଇଟିଭି ଭାରତ, କଟକ