କଟକ: ବେଆଇନ ଭାବରେ ଗଞ୍ଜେଇ ଚାଲାଣ କରାଯାଉଥିବାବେଳେ ୩ ମହିଳାଙ୍କୁ ଗିରଫ କରିଛି କେନ୍ଦ୍ରୀୟ ଅବକାରୀ ବିଭାଗ।
ଗଞ୍ଜେଇ ବିକ୍ରିରେ ବଙ୍ଗୀୟ ମହିଳା, ୩ ଜଣଙ୍କୁ ଗିରଫ କଲା କେନ୍ଦ୍ରୀୟ ଅବକାରୀ ବିଭାଗ
ଖବର ପାଇ ଅବକାରୀ ବିଭାଗର ଏକ ଟିମ୍ କଟକ ନିର୍ଗୁଣ୍ଡି ଷ୍ଟେସନ ନିକଟରେ ଯାଞ୍ଚ କରିଥିଲା। ଜରି ଅଖା ଭିତରେ ଏକ କୁଇଣ୍ଟାଲ ୫ କେଜି ଗଞ୍ଜେଇ ଚାଲାଣ ହେଉଥିବା ଯାଞ୍ଚ ସମୟରେ ଜଣାପଡିଥିଲା। ତେବେ ଏହି ଘଟଣାରେ ଏକ କୁଇଣ୍ଟାଲ ୫ କେଜି ଗଞ୍ଜେଇ ସମେତ ୩ ବଙ୍ଗୀୟ ମହିଳାଙ୍କୁ ଗିରଫ କରିଛି ଅବକାରୀ ବିଭାଗ।
ଅତି ଚତୁରତାର ସହ ଏହି ଗଞ୍ଜେଇ ଚାଲାଣ କରାଯାଉଥିଲା। ବିଶେଷକରି ଏହା ଭୁବନେଶ୍ବରରୁ କଲିକୋତା ଚାଲାଣ କରାଯାଉଥିଲା। ବଙ୍ଗୀୟ ମହିଳାଙ୍କ ଦ୍ଵାରା ଏହି ଗଞ୍ଜେଇ ଚାଲାଣ କରାଯାଉଥିଲା। ତେବେ ଜବତ ହୋଇଥିବା ଗଞ୍ଜେଇ ର ମୂଲ୍ୟ ୧୧ ଲକ୍ଷ ଟଙ୍କାରୁ ଅଧିକ ହେବ ବୋଲି କେନ୍ଦ୍ରୀୟ ଅବକାରୀ ନିରୀକ୍ଷକ ସୂଚନା ଦେଇଛନ୍ତି।
କଟକରୁ ନାରାୟଣ ସାହୁ, ଇଟିଭି ଭାରତ
