କଟକ: ଧୂମଧାମରେ ଚାଲିଛି ସାରାଦେଶରେ ଗଜାନନଙ୍କ ପୂଜା । ଅଗ୍ରଦେବତାଙ୍କ ଆରାଧନାକୁ ନେଇ ଉତ୍ସବ ମୁଖର ସମଗ୍ର ଦେଶ । କେଉଁଠି ବିଶାଳ ଗଣେଶ ପ୍ରତିମା ପୂଜା ପାଉଛନ୍ତି ତ କେଉଁଠି ଆକର୍ଷଣୀୟ ତୋରଣ ଶୋଭାପାଉଛି।
ତେବେ ଚଳିତ ବର୍ଷ ସିଲଭର ସିଟି କଟକରେ ଶୋଭାପାଉଛି ଦିଲ୍ଲୀର ଲାଲକିଲ୍ଲା । ପବିତ୍ର ଗଣେଷ ପୂଜା ଉପଲକ୍ଷେ ସ୍ଥାନୀୟ ନୂଆପଡାର ଦିବ୍ୟଜ୍ୟୋତି କ୍ଲବ ପକ୍ଷରୁ ଏହି ଏହାର ଆୟୋଜନ କରାଯାଇଛି । ଯାହା ଦିଲ୍ଲୀର ଲାଲକିଲ୍ଲାଠୁ କୌଣସି ଗୁଣରେ କମ ନୁହେଁ । କାରିଗରଙ୍କ ସୂକ୍ଷ୍ମ କାରୁକାର୍ଯ୍ୟରେ ଏକ ଜୀବନ୍ତ ଦୃଶ୍ୟ ଦେଖିବାକୁ ପାଉଛନ୍ତି କଟକବାସୀ ।
ମୋଟ 3 ଲକ୍ଷ ଟଙ୍କାରେ ନିର୍ମିତ ହୋଇଛି ଏହି ତୋରଣ । ଅନ୍ୟପଟେ ଏହି ସୂକ୍ଷ୍ମ କାରୁକାର୍ଯ୍ୟକୁ ଦେଖି ବେଶ ଖୁସି ଓ ଆନନ୍ଦରେ ବିଭୋର ହେଉଛନ୍ତି ଦର୍ଶକ ଓ ଭକ୍ତ। କାରଣ ଲାଲକିଲ୍ଲାର ଜୀବନ୍ତ ଦୃଶ୍ୟ କଟକରେ ପ୍ରଥମ ଥର ଦେଖିବାକୁ ପାଇଛନ୍ତି ଦର୍ଶକ । ଏହାସହ ଦିଲ୍ଲୀ ନହେଲା ନାଇଁ କଟକରେ ତ ହେଲା ଲାଲକିଲ୍ଲା ବୋଲି ଭକ୍ତ ମହଲରେ ଚର୍ଚ୍ଚା ହେଉଛି।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ