କଟକ: ଧାନମଣ୍ଡିରେ ଅନିୟମିତତା ଅଭିଯୋଗ । ନାମ ପଞ୍ଜିକୃତ ହୋଇ ମଧ୍ୟ ସଠିକ ଢଙ୍ଗରେ ହୋଇପାରୁନି ଧାନ ବିକ୍ରି । ହତାଶ ହୋଇପଡିଛି ଚାଷୀ । ରାଜ୍ୟ ସରକାରଙ୍କ ନୂଆ ନୀତିରେ ମଧ୍ୟ ରହୁନି ତାଳମେଳ । ଧାନ ବିକ୍ରି ପାଇଁ ଟୋକନ ମିଳିଲେ ସୁଦ୍ଧା ଧାନ ଦେବା ନେଇ ନମ୍ବର ଆସିବା ସ୍ବପ୍ନ ।
ଧାନମଣ୍ଡିରେ ନାହିଁ ତାଳମେଳ, ଅଡୁଆରେ ଚାଷୀ
ତେବେ ଏହି ଅଭିଯୋଗ ନେଇ କଟକ ଜିଲ୍ଲାପାଳଙ୍କୁ ଭେଟିଛନ୍ତି ସାଲେପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଅନେକ ଗ୍ରାମବାସୀ । ଅଭିଯୋଗକାରୀଙ୍କ କହିବାନୁଯାୟୀ, ଧାନ ମଣ୍ଡିରେ ଲାଇନ ଲଗାଇ ଦିନ ଯାଉଥିଲା ବେଳେ ନମ୍ବର ଆସିବା ସ୍ବପ୍ନ ହୋଇପଡିଛି ।
ଯାହା ପାଇଁ ଚାଷୀ ମାନେ ନାହିଁ ନଥିବା ଅସୁବିଧାର ସମୁଖୀନ ହେଉଛନ୍ତି । ତେବେ ଜିଲ୍ଲାପାଳ ଏହି ଦିଗ ପ୍ରତି ସଚେତନ ହେଲେ ଚାଷୀ କୁଳ ହସି ଉଠିବ ବୋଲି କହିଛନ୍ତି ଗ୍ରାମବାସୀ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
