କଟକ: ପୁଣି ଆସିଲା ବଟି ମଗାର ଦୃଶ୍ୟ । କିନ୍ତୁ ଏଥର ଟିକେ ଭିନ୍ନ ଢଙ୍ଗରେ । ସତୀଚଉରା ଶ୍ମଶାନରେ କୋଭିଡରେ ପ୍ରାଣ ହରାଉଥିବା ବ୍ୟକ୍ତିଙ୍କ ମରଶରୀର ଦାହରେ ନିୟୋଜିତ ଥିବା ଏକ ଜନୈକ ଯୁବକଙ୍କୁ ବଟି ମାଗିବା ଆଧାରରେ ମରଣାନ୍ତକ ଆକ୍ରମଣ କରିଛନ୍ତି କିଛି ଦାଦା । ଯାହା ଫଳରେ ଘଟଣାସ୍ଥଳରେ ଅଚେତ ହୋଇଯାଇଥିଲା ସେ । କିଏ ଏପରି କାଣ୍ଡ ଭିଆଇଛି ତାହା ବର୍ତ୍ତମାନ ସୁଦ୍ଧା ଜଣାପଡି ନଥିଲା ବେଳେ ଘଟଣାକୁ ନେଇ ଚର୍ଚ୍ଚା ଜୋର ଧରିଛି ।
ତେବେ ଏହି ଘଟଣା ଘଟିବା ପରେ ପୋଲିସ ପାଇଁ ପୁଣି ଚ୍ୟାଲେଞ୍ଜ ସୃଷ୍ଟି କରିଛନ୍ତି ଦାଦା । ଆକ୍ରମଣର ଶିକାର ହୋଇଥିବା ପ୍ରମୋଦ ଦାସ ଓରଫ ଗୁଡୁକୁ ସ୍ଥାନୀୟ ମେଡ଼ିକାଲରେ ଭର୍ତ୍ତି କରାଯାଇଛି । ସେପଟେ କୋଭିଡ ମୃତକଙ୍କ ଦାହରେ ନିୟୋଜିତ ବ୍ୟକ୍ତିର ଅବସ୍ଥା ଦେଖିଲେ ଜଣାପଡୁଛି, ସରକାର ଓ କମିଶନରେଟ ପୋଲିସ କେତେ ମାତ୍ରାରେ କୋଭିଡ ଯୋଦ୍ଧାଙ୍କୁ ସୁରକ୍ଷା ଦେବାରେ ସମର୍ଥ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
