କଟକ: କିଛି ଦିନ ବ୍ୟବଧାନ ପରେ ଏସସିବି ମେଡିକାଲ ସମ୍ପ୍ରସାରଣ କାମ ପାଇଁ ପୁଣି ଥରେ ଆରମ୍ଭ ହୋଇଛି ଉଚ୍ଛେଦ କାମ । ଯୋବ୍ରା କେନାଲ ନିକଟରେ ଥିବା ସମସ୍ତ ବସ୍ତିକୁ ଉଚ୍ଛେଦ ପୂର୍ବରୁ ପ୍ରଥମେ ଥଇଥାନ କରିଛି ଜିଲ୍ଲା ପ୍ରଶାସନ।
ଉଚ୍ଛେଦ ପୂର୍ବରୁ ବସ୍ତିବାସିନ୍ଦାଙ୍କୁ ଥଇଥାନ କଲା ଜିଲ୍ଲା ପ୍ରଶାସନ
ଜଗତପୁରର ଶିକାରୀପୁର ଠାରେ ବସ୍ତି ବାସିନ୍ଦାଙ୍କୁ ଥଇଥାନ କରିଛି ଜିଲ୍ଲା ପ୍ରଶାସନ। ପ୍ରଥମ ପର୍ଯ୍ୟାୟରେ ୯୫ ଟି ପରିବାରର ପାଖାପାଖି ୪୦୫ ଜଣଙ୍କୁ ଏକ ଅସ୍ଥାୟୀ ସ୍ଥାନରେ ରଖାଯାଇଛି । ୭ ଦିନ ପାଇଁ ଏହି ଅସ୍ଥାୟୀ ସ୍ଥାନରେ ରଖାଯିବା ସହ ସେମାନଙ୍କୁ ୭ ଦିନ ପର୍ଯ୍ୟନ୍ତ ରନ୍ଧା ଖାଦ୍ୟ ଯୋଗାଇ ଦିଆଯିବ । ସେହିପରି ନିଜ ନିଜର ସମସ୍ତ ସାମଗ୍ରୀ ସହ ଏହି ନୂତନ ସ୍ଥାନରେ ଆଜିଠାରୁ ରହିଛନ୍ତି ୯୫ ପରିବାର। ତେବେ ପ୍ରଶାସନର ଏଭଳି ନିଷ୍ପତ୍ତିକୁ ସମର୍ଥନ କରିଛନ୍ତି ବସ୍ତିବାସିନ୍ଦା।
କଟକରୁ ନାରାୟଣ ସାହୁ, ଇଟିଭି ଭାରତ
