ନିଆଳି: ଆଜି(ଗୁରୁବାର) ରାଜ୍ୟରେ ଚାଲିଛି ପଞ୍ଚମ ପର୍ଯ୍ୟାୟ ମତଦାନ । ଶେଷ ପର୍ଯ୍ୟାୟରେ ମଧ୍ୟ ଥମିନି ହିଂସା । କଟକ ଜିଲ୍ଲା ନିଆଳି ହାଇସ୍କୁଲ ମତଦାନ ସମୟରେ ବିଜେଡ଼ି କର୍ମୀଙ୍କ ଦାଦାଗିରି ଦେଖିବାକୁ ମିଳିଛି । ବୁଥ ଭିତରେ ପଶି ଏଜେଣ୍ଟକୁ ମାଡ଼ ମାରିଥିବା ଅଭିଯୋଗ ହୋଇଛି । ଏହି ସମୟର ଦୃଶ୍ୟ ଏବେ ଖୁବ ଭାଇରାଲ ହେବାରେ ଲାଗିଛି ।
ନିଆଳି ବ୍ଳକର ନିଆଳି ପଞ୍ଚାୟତ ପାଇଁ ମତଦାନ ଚାଲିଥିବା ସମୟରେ ଭୋଟ ଗ୍ରହଣ କେନ୍ଦ୍ରରେ ହାତାହାତି ଓ ମାରପିଟ୍ ଭିଡିଓ ଏବେ ଭାଇରାଲ ହେଉଛି । ନିଆଳି ହାଇସ୍କୁଲରେ ୧୧ ନମ୍ବର ବୁଥରେ ମତଦାନ ଚାଲିଥିବା ସମୟରେ ବିଜେଡି କର୍ମୀ ବୁଥ ଭିତରେ ପଶି ଧମକ ଚମକ ଦେଉଥିବା ଭିଡିଓରୁ ଜଣାପଡିଛି। ବିଜେଡି କର୍ମୀ ଏଜେଣ୍ଟ କି ଅନ୍ୟ କେଉଁ ଦଳର କର୍ମୀଙ୍କୁ ମାରପିଟ୍ କରୁଛନ୍ତି ତାହା ସ୍ପଷ୍ଟ ହୋଇପାରିନାହିଁ । ତେବେ କଟକ ଜିଲ୍ଲା ପ୍ରଶାସନ ଏହି ଭାଇରାଲ ଭିଡିଓ ମାଧ୍ୟମରେ ଅଭିଯୁକ୍ତ ମାନଙ୍କୁ ଚିହ୍ନଟ କରି କାର୍ଯ୍ୟାନୁଷ୍ଠାନ ପାଇଁ ନିଆଳି ବାସୀ ଦାବି କରିଛନ୍ତି ।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ, ଇଟିଭି ଭାରତ
