କଟକ: ସେପ୍ଟେମ୍ବର ମାସରେ ଗୁଜୁରାଟର ସୁରଟରେ ହେବାକୁ ଯାଉଛି ରାଜଭାଷା ସମ୍ମିଳନୀ । ରାଜଭାଷା ଯୋଜନା ଅନୁସାରେ ଦେଶରେ ସମସ୍ତ ସରକାରୀ ଅନୁଷ୍ଠାନରେ ହିନ୍ଦୀ ଭାଷା କିମ୍ବା ନିଜ ମାତୃଭାଷା ପ୍ରଚଳନ ହେବ । ଏ ବାବଦରେ ବର୍ତ୍ତମାନ ସୁଦ୍ଧା ୧୦ଟି ରିପୋର୍ଟ ପ୍ରଧାନମନ୍ତ୍ରୀଙ୍କୁ ପ୍ରଦାନ କରାଯାଇଛି ବୋଲି କହିଛନ୍ତି କଟକ ସାଂସଦ ଭର୍ତ୍ତୃହରି ମହତାବ ।
ଏ ନେଇ କହିଛନ୍ତି ସେ ଯେ, "ମୁଁ ନିଜେ ଏହି କମିଟିର ଉପାଧ୍ୟକ୍ଷ ଅଛି । ଆଉ ଗୋଟିଏ ରିପୋର୍ଟ ଏବେ ପ୍ରସ୍ତୁତ ହେଉଛି । ରାଜଭାଷାର ବ୍ୟବହାର ହେଲେ ଏହା ସମସ୍ତେ ସହଜରେ ବୁଝି ପାରିବେ । ଏବେ ବି ଇଂରାଜୀ ଭାଷା ବୈଷୟିକ ଶିକ୍ଷା, ମେଡିକାଲ୍ ଶିକ୍ଷାରେ ବ୍ୟବହାର ହେଉଛି । ନ୍ୟାୟାଳୟରେ ବିଦେଶୀ ଭାଷା ବା ଇଂରାଜୀ ଭାଷା ବ୍ୟବହାର ହେଉଛି । ସାରା ଦେଶରେ ରାଜଭାଷା ବ୍ୟବହାର ପୂର୍ବରୁ ସିଲାବସ୍, ଶବ୍ଦକୋଷ ତିଆରି ହେବ ।"
ଇଟିଭି ଭାରତ, କଟକ