Maruti Suzukiର ସେପ୍ଟେମ୍ବରରେ ହେଲା ବମ୍ଫର ବିକ୍ରି; 1ମାସରେ ବିକିଲା ଲକ୍ଷାଧିକ କାର - Maruti Suzuki Sales September 2024

Maruti Suzuki Sales September: ସ୍ବଦେଶୀ କାର ନିର୍ମାତା କମ୍ପାନୀ ମାରୁତି ସୁଜୁକି ଚଳିତ ବର୍ଷ ସେପ୍ଟେମ୍ବରରେ ବିକ୍ରି ଗତ ବର୍ଷ ତୁଳନାରେ ଢେର ଅଧିକ ହୋଇଛି । ଗୋଟିଏ ମାସରେ କମ୍ପାନୀ ଲକ୍ଷାଧିକ କାର ବିକ୍ରି କରିଛି । ଅଧିକ ପଢନ୍ତୁ

ହାଇଦ୍ରାବାଦ: ଭାରତର ସର୍ବବୃହତ ଅଟୋମୋବାଇଲ ନିର୍ମାତା କମ୍ପାନୀ ମାରୁତି ସୁଜୁକି ଇଣ୍ଡିଆ ସେପ୍ଟେମ୍ବର 2024 ପାଇଁ ଏହାର ବିକ୍ରି ସଂଖ୍ୟା ପ୍ରକାଶ କରିଛି । ଯଦି ଆମେ ଗତ ମାସରେ ସମସ୍ତ ସେଗମେଣ୍ଟରେ ମୋଟ ବିକ୍ରିକୁ ଦେଖିବା, ଯେଉଁଥିରେ ଉଭୟ ଘରୋଇ ବିକ୍ରୟ ଏବଂ ରପ୍ତାନି ଅନ୍ତର୍ଭୁକ୍ତ, ଏହା ପ୍ରାୟ 1,84,727 ୟୁନିଟ ରହିଛି । ସେପ୍ଟେମ୍ବର 2023ରେ ବିକ୍ରି ହୋଇଥିବା 1,81,343 ୟୁନିଟ୍ ତୁଳନାରେ ଏହା 1.87 ପ୍ରତିଶତ ଅଧିକ ।

ସେପ୍ଟେମ୍ବର 2024ରେ ମାରୁତି ସୁଜୁକିର ବିକ୍ରି:-

ତେବେ ଘରୋଇ ବଜାରରେ କମ୍ପାନୀର ବିକ୍ରି 1,44,962 ୟୁନିଟକୁ ହ୍ରାସ ପାଇଛି, ଯାହା ସେପ୍ଟେମ୍ବର 2023ରେ ବିକ୍ରି ହୋଇଥିବା 1,50,812 ୟୁନିଟ ତୁଳନାରେ 3.88 ପ୍ରତିଶତ କମ । ଅନ୍ୟପଟେ ଅଗଷ୍ଟ 2024ରେ ବିକ୍ରି ହୋଇଥିବା 1,43,075 ୟୁନିଟ୍ ତୁଳନାରେ ଏହା 1.32 ପ୍ରତିଶତ ବୃଦ୍ଧି ହୋଇଛି । ଏଥି ସହିତ ଗତ ମାସରେ କମ୍ପାନୀର ରପ୍ତାନିରେ 23.18 ପ୍ରତିଶତ ବୃଦ୍ଧି ଘଟିଛି ।

Maruti Suzuki Alto K10 (Maruti Suzuki)

ସେପ୍ଟେମ୍ବର 2023ରେ କମ୍ପାନୀ ଭାରତୀୟ ଉପକୂଳରୁ 22,515 ୟୁନିଟ୍ ପଠାଇଥିବାବେଳେ ଗତ ମାସରେ ଏହି ସଂଖ୍ୟା 27,728 ୟୁନିଟକୁ ବୃଦ୍ଧି ପାଇଛି । ସୂଚନାଯୋଗ୍ୟ ଯେ ମାରୁତି ଏହାର ପାର୍ଟନର କମ୍ପାନୀ ଟୋୟୋଟା (Toyota)କୁ ରିବ୍ୟାଜ ମଡେଲ ଭାବରେ କିଛି କାର ବିକ୍ରି କରେ । ଏଥିରେ ମଧ୍ୟ ସେପ୍ଟେମ୍ବର 2023ରେ ବିକ୍ରି ହୋଇଥିବା 5,726 ୟୁନିଟରୁ ବାର୍ଷିକ 56.10% ବୃଦ୍ଧି ଘଟିଛି ଏବଂ ସେପ୍ଟେମ୍ବର 2024ରେ 8,938 ୟୁନିଟ୍ ବିକ୍ରି ହୋଇଛି ।

Maruti Suzuki Brezza (Maruti Suzuki)

ଚାହିଦା କମିଥିବା କାର:-

ଯଦି ଆମେ ସେପ୍ଟେମ୍ବର 2024ରେ କାଟେଗୋରୀ ବିକ୍ରିକୁ ଦେଖିବା, ତେବେ Maruti Alto ଓ S-Pressoର ମିନି ସେଗମେଣ୍ଟରେ ସାମାନ୍ୟ ବୃଦ୍ଧି ଘଟିଛି । ସେମାନଙ୍କର 10,363 ୟୁନିଟ୍ ବିକ୍ରି ହୋଇଛି, ଯାହା ସେପ୍ଟେମ୍ବର 2023ରେ 10,351 ୟୁନିଟ୍ ଥିଲା । କମ୍ପାକ୍ଟ ସେଗମେଣ୍ଟରେ ମାରୁତିର କାରଗୁଡିକର ଚାହିଦା ବର୍ଷ ବର୍ଷ ଧରି କମ ରହିଛି, ଯେଉଁଥିରେ Maruti Baleno, Celerio, Dzire ଏବଂ Ignis ଏବଂ ସ୍ବିଫ୍ଟ ଏବଂ ୱାଗନ୍-ଆର ସାମିଲ । ସେପ୍ଟେମ୍ବର 2024ରେ ଏହି କାରୁଗୁଡ଼ିକର ବିକ୍ରି 60,480 ୟୁନିଟକୁ ହ୍ରାସ ପାଇଥିଲାବେଳେ ସେପ୍ଟେମ୍ବର 2023ରେ ମୋଟ 68,551 ୟୁନିଟ୍ ବିକ୍ରି ହୋଇଥିଲା ।

Maruti Suzuki S-Presso (Maruti Suzuki)

Maruti Suzuki Grand Vitara (Maruti Suzuki)

ମାରୁତି ସିଆଜ୍ (Maruti Ciaz) ବିକ୍ରି ମଧ୍ୟ ଯଥେଷ୍ଟ ହ୍ରାସ ପାଇଛି, କିନ୍ତୁ UV ବିଭାଗରେ ମାରୁତି ସୁଜୁକି ମଡେଲଗୁଡିକର ଚାହିଦା ବଢିଛି । ଗତ ମାସରେ 61,549 ୟୁନିଟ୍ ବିକ୍ରି ହୋଇଛି । ସେପ୍ଟେମ୍ବର 2023ରେ କମ୍ପାନୀ ଏହି ବିଭାଗର 59,272 ୟୁନିଟ୍ ବିକ୍ରି କରିଥିଲା । ହାଲୁକା ବାଣିଜ୍ୟିକ ଯାନ ବିଭାଗରେ ଯେଉଁଥିରେ ସୁପର କ୍ୟାରି ଭଳି ଯାନ ଅନ୍ତର୍ଭୂକ୍ତ ହୋଇଛି, ସେପ୍ଟେମ୍ବର 2024ରେ 2,294 ୟୁନିଟ୍ ତୁଳନାରେ ଗତ ମାସରେ ବିକ୍ରି 3,099 ୟୁନିଟକୁ ବୃଦ୍ଧି ପାଇଛି ।

Maruti Suzuki Swift (Maruti Suzuki)

ବଢିପାରେ ନୂଆ ସ୍ବିଫ୍ଟର ବିକ୍ରି:-

ସ୍ପୋର୍ଟି ଡିଜାଇନ ଓ ଡ୍ରାଇଭର ଏବଂ ଯାତ୍ରୀଙ୍କୁ ଆରାମଦାୟକ ଯାତ୍ରାର ଅନୁଭବ ଦେବା ଲାଗି ନୂଆ ଅତ୍ୟାଧୁନିକ ଫିଚର ସହିତ ନୂତନ ସ୍ବିଫ୍ଟ ଲଞ୍ଚ କରାଯାଇଛି ଏବଂ ନୂତନ ଡିଜାଇର ନିଶ୍ଚିତ ଭାବରେ ଆସନ୍ତା ମାସରେ ଏହି ବିଭାଗରେ ବିକ୍ରୟ ବୃଦ୍ଧି କରିବ ବୋଲି ଆଶା କରାଯାଉଛି ।