କଟକ: ଚଞ୍ଚକତା କରି BPL କାର୍ଡ ହାତେଇଲେ ହେବ ଜେଲ । ରୁଜୁ ହେବ ଅପରାଧିକ ମାମଲା । ଆର୍ଥିକ ସ୍ବଚ୍ଛଳ ଥିବା ବ୍ୟକ୍ତି BPL ତାଲିକାରେ ସାମିଲ ହେଲେ ସେମାନଙ୍କ ବିରୋଧରେ ଅପରାଧିକ ମାମଲା ରୁଜୁ କରିବା ପାଇଁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ। ଏମାନଙ୍କ ଯୋଗୁ ଯୋଗ୍ୟ ହିତାଧିକାରୀ ସରକାରୀ ସୁବିଧା ପାଇବାରୁ ବଞ୍ଚିତ ହେଉଛନ୍ତି । ଯାଜପୁର ଜିଲ୍ଲା ଧର୍ମଶାଳା ବ୍ଲକର ଦେବେନ୍ଦ୍ର ବେହେରା ନାମକ ବ୍ୟକ୍ତିଙ୍କ ଦ୍ଵାରା ଦାୟର ମାମଲାର ଶୁଣାଣି କରି କୋର୍ଟ ଏପରି ନିର୍ଦ୍ଦେଶ ଦେଇଛନ୍ତି ।
ରାଜ୍ୟରେ ଆର୍ଥିକ ଅନଟନର ଶିକାର ତଥା BPL ଶ୍ରେଣୀଭୁକ୍ତ ଥିବା ପ୍ରକୃତ ବ୍ୟକ୍ତି ହିଁ ସରକାରୀ ସୁବିଧା ପାଇବା ହକଦାର । ହେଲେ ଯେଉଁମାନେ ଚଞ୍ଚକତା କରି BPL ତାଲିକାରେ ସାମିଲ ହେବେ ସେମାନଙ୍କ ବିରୋଧରେ ଠକିବା, ଜାଲ କାଗଜପତ୍ର ଦେବା ଭଳି ଅନେକ ଅପରାଧିକ ସଙ୍ଗୀନ ଦଫା ଲଗେଇ ଜେଲ ଦଣ୍ଡର ବ୍ୟବସ୍ଥା ରହିଛି । ଆଉ ଏହା ଏକ ଜାମିନ ଅଯୋଗ୍ୟ ଅପରାଧ ବୋଲି ହାଇକୋର୍ଟ ଜଷ୍ଟିସ ବିଶ୍ବନାଥ ରଥଙ୍କ ରାୟ ଶୁଣାଇଛନ୍ତି । ଏହାକୁ ସ୍ବାଗତ କରିଛନ୍ତି ବରିଷ୍ଠ ଆଇନଜୀବୀ ।
କଟକରୁ ନାରାୟଣ ସାହୁ, ଇଟିଭି ଭାରତ
